Tables
Tables
Methodological Notes
1. This release presents Government debt in line with the methodology defined in the Maastricht Treaty (Article 104). The basic conceptual reference framework for this exercise is the ESA 2010 Manual on Government Deficit and Debt (2019 edition) which is in turn based on the European System of National and Regional Accounts (ESA 2010). This compliance with the reference framework allows for the international comparability of the data.
2. General Government Sector (S.13 sector according to the ESA 2010 definitions) is made up of the Central Government Sector (S.1311) and the Local Government Sector (S.1313). The Central Government Sector includes the Budgetary Central Government, made up of Government Ministries and Departments and the Extra Budgetary Units (EBUs).
3. Figures in the tables presented may not add up due to rounding.
4. Data may be subject to revision.
5. More information relating to this news release may be accessed at:
Statistical Concepts
Metadata
Statistical Database
Eurostat Statistical Database
6. A detailed news release calendar is available online.
7. References to this news release are to be cited appropriately. For guidance on access and re-use of data please visit our dedicated webpage.
8. For further assistance send your request through our online request form.
L-Istruttura tad-Dejn tal-Gvern Ġenerali: 2024
- Fl-2024, id-Dejn tal-Gvern Ġenerali kien taʼ €10,648.4 miljun, jew 47.4 fil-mija tal-PDG.
- Il-Korporazzjonijiet Finanzjarji kellhom l-akbar sehem fid-Dejn tal-Gvern (54.8 fil-mija). Warajhom kien hemm il-Households, u l-Istituzzjonijiet mingħajr skop ta’ qligħ li jservu lill-Households (NPISH) (22.0 fil-mija) u l-Bqija tad-Dinja (21.2 fil-mija).
- L-istrument tad-dejn preferut mill-Gvern huma t-titoli tad-dejn, bʼ86.5 fil-mija.
- Il-valur tas-self tal-Gvern fis-suq kien stmat mal-€10,540.7 miljun.
- Fl-2024, l-ispiża apparenti tad-dejn kienet taʼ 2.6 fil-mija, filwaqt li d-dejn kien baqagħlu medja taʼ tmien snin u erbaʼ xhur sabiex jagħlaq.
L-Istruttura tad-Dejn tal-Gvern Ġenerali: 2024
L-Istruttura tad-Dejn tal-Gvern Ġenerali: 2024
Fl-2024, il-qasam tal-Korporazzjonijiet Finanzjarji kellu l-akbar biċċa mid-Dejn tal-Gvern, bʼ54.8 fil-mija. Dan kien segwit mill-Households, u l-Istituzzjonijiet mingħajr skop ta’ qligħ li jservu lill-Households (NPISH), li laħqu t-22.0 fil-mija. Is-sehem fid-dejn mill-Bqija tad-Dinja kien taʼ 21.2 fil-mija, li huwa tnaqqis taʼ 2.7 punti perċentwali meta mqabbel mal-2021. Il-Korporazzjonijiet Mhux Finanzjarji kellhom 2.0 fil-mija tad-dejn. Bejn l-2021 u l-2024, il-Households u l-NPISHs kellhom l-ogħla tkabbir fiż-żamma tad-dejn tal-Gvern, bʼżieda taʼ 6.4 punti perċentwali. Bil-maqlub taʼ dan, iż-żamma tad-dejn mill-Korporazzjonijiet Finanzjarji naqas bʼ4.0 punti perċentwali (Tabella nru 1).
Ċart nru 1. Id-dejn tal-Gvern Ġenerali
It-titoli tad-dejn, li jinkludu l-Istokks tal-Gvern taʼ Malta u l-Kambjali tat-Teżor, kienu l-istrument tad-dejn ippreferut mill-Gvern, bʼ€9,206.5 miljuni, jew 86.5 fil-mija, tad-dejn kollu fl-2024. Strumenti oħrajn tad-dejn kienu s-Self u l-Munita bʼ9.5 fil-mija u bʼ4.0 fil-mija, rispettivament. L-akbar żieda kienet irreġistrata fit-Titoli tad-Dejn, bʼżieda taʼ €706.3 miljuni fl-Istokks tal-Gvern taʼ Malta, mentri l-akbar tnaqqis (€25.8 miljun) deher fil-Munita li tikkonċerna l-Malta Government Retail Savings (Tabella nru 2).
Ċart nru 2. Detenturi tad-dejn bil-qasam istituzzjonali (%)
No Data Found
Ċart nru 3. Id-dejn bl-istrument finanzjarju (%)
No Data Found
Ċart nru 4. Id-dejn nominali mqabbel mad-dejn tas-suq
€ miljuni
No Data Found
Fl-2024, id-dejn kollu li l-Gvern kellu jagħti kien fil-munita nazzjonali. L-istokk tad-dejn f’muniti barranin naqas ħafna matul is-snin (Tabella nru 3).
L-ispiża apparenti tad-dejn, li hija r-rata tal-imgħax applikabbli fuq id-dejn nominali kollu, kienet taʼ 2.6 fil-mija fl-2024, meta mqabbla mat-2.3 fil-mija fl-2023. Dan il-qies tal-ispiża tad-dejn jirrifletti r-rati tal-imgħax fiż-żmien meta jkun sar is-self (Tabella nru 4).
Fl-2024, id-dejn tal-Gvern fis-suq kien stmat li jiswa mal-€10,540.7 miljun, mentri l-valur nominali kien taʼ €10,648.4 miljun. Dan it-tnaqqis fil-valur tas-suq seħħ minħabba ċ-ċaqliq fl-inflazzjoni u r-rati tal-imgħax (Tabella nru 5).
Fis-sena taʼ riferenza €2,820.2 miljun, jew 26.5 fil-mija, tad-dejn kien ħareġ bʼmaturità taʼ bejn 15 u 30 sena. Wara dan, kien hemm id-dejn li jagħlaq fi żmien taʼ minn 1 sa 5 snin (21.9 fil-mija), taʼ minn 7 sa 10 snin (20.1 fil-mija), taʼ minn 10 sa 15-il sena (10.4 fil-mija), taʼ minn 5 snin sa 7 snin (9.6 fil-mija), taʼ inqas minn sena (7.7 fil-mija) u taʼ aktar minn 30 sena (3.8 fil-mija) (Tabella nru 6).
Fl-2024, id-dejn kien baqagħlu medja taʼ tmien snin u erbaʼ xhur biex jagħlaq, tliet xhur aktar minn dak fl-2023. Fl-2024, il-biċċa l-kbira tad-dejn, €3,757.4 miljun, kien baqagħlu bejn 1 u 5 snin sabiex jagħlaq. Warajh, kien hemm dak bʼmaturità taʼ bejn 7 u 10 snin (€1,929.3 miljun) u dak bʼmaturità taʼ anqas minn sena (€1,370.4 miljun) (Tabella nru 7).
Ċart nru 5. Id-dejn bil-maturità inizjali u bʼdik li baqagħlu
€ miljuni
No Data Found
Fl-2024, il-garanziji tal-Gvern fuq is-self kienu taʼ €954.8 miljun, jew 4.2 fil-mija tal-PDG. Dan huwa tnaqqis €187.4 miljun fuq l-2023. L-akbar għadd taʼ garanziji tal-Gvern kienu maħruġin għall-qasam tal-Korporazzjonijiet Mhux Finanzjarji, li kienu jgħoddu 66.1 fil-mija tal-garanziji kollha. L-oqsma tal-Korporazzjonijiet Finanzjarji, tal-Bqija tad-Dinja, u l-Households u l-NPISHs ingħataw 29.1, 4.1 u 0.7 fil-mija taʼ dawn il-garanziji, rispettivament. Il-garanziji tal-Gvern huma obbligazzjonijiet kontinġenti għal dak li jistaʼ jinqalaʼ, u għalhekk ma humiex inklużi mad-dejn tal-Gvern (Tabella nru 8).
Fʼdin l-istqarrija, iċ-ċifri tad-dejn tal-Gvern jaqblu man-notifika tal-EDP taʼ April 2025, li ħarġet fl-Istqarrija tal-Aħbarijiet Nru 070/2025 bid-data tat-22 taʼ April.
Ċart nru 6. Il-benefiċjarji tal-garanziji tal-Gvern bil-qasam istituzzjonali
No Data Found
