L-Aċċidenti tat-Traffiku: K4/2024
L-għadd taʼ aċċidenti tat-traffiku rrappurtati tul ir-rabaʼ kwart tal-2024 laħaq it-3,961, tnaqqis taʼ 0.4 fil-mija fuq l-istess żmien tal-2023. L-akbar numru taʼ aċċidenti kienu rreġistrati fid-distrett tat-Tramuntana tal-Port bʼ1,304 każijiet jew 32.9 fil-mija tal-aċċidenti kollha (Tabella nru 1).
It-tidrib fl-aċċidenti tat-traffiku naqas bi 12.9 fil-mija sabiex niżel għal 372 meta mqabbel mal-istess perjodu tal-2023. Il-persuni midrubin gravi ammontaw għal 93 u involvew 54 sewwieq, disaʼ passiġġieri u 30 persuna miexja/bir-rota/oħrajn. Il-ġrieħi mġarrbin minn żewġ sewwieqa u persuna miexja kienu fatali (Tabelli nri 4-6). Bʼhekk, l-għadd taʼ mwiet fl-aċċidenti tat-traffiku naqas bʼerbgħa fuq l-istess perjodu tal-2023 (Ċart nru 1).
L-akbar għadd taʼ dawk li ndarbu gravi kienu rġiel (60.2 fil-mija). Barra minn hekk, il-persuni li mietu fʼaċċidenti tat-traffiku kienu tlitt irġiel. 34.1 fil-mija tat-tidrib kien jinvolvi persuni taʼ bejn is-26 u l-40 sena (Ċart nru 2 u Tabella nru 5).
Ċart nru 1. L-aċċidenti tat-traffiku u l-imwiet, biż-żmien
No Data Found
L-akbar għadd taʼ tidrib mill-aċċidenti tat-traffiku (51.3 fil-mija) kien jinvolvi karrozzi tal-passiġġieri. Warajhom, ġew dawk li kienu jinvolvu l-muturi (36.6 fil-mija) u l-vetturi tal-ġarr tal-merkanzija (5.4 fil-mija). Il-fatalitajiet li seħħew fʼaċċidenti tat-traffiku involvew żewġ sewwieqa li ħabtu maʼ proprjetà, u persuna miexja li ntlaqtet minn vettura. L-għadd taʼ ċiklisti li kienu involuti fʼaċċidenti tat-traffiku laħaq sitta, bʼħamsa minnhom jindarbu ħafif u wieħed iġarrab ġrieħi insinifikanti (Tabelli nri 6 u 7). It-tidrib ikkaġunat minn ħbit bejn vetturi kien l-aktar komuni bi 62.4 fil-mija tat-tidrib kollu li seħħ fl-aċċidenti tat-traffiku (Tabella nru 7).
L-akbar għadd taʼ tidrib mill-aċċidenti tat-traffiku ġara fil-jum tas-Sibt bʼ65 tidriba, filwaqt li l-akbar għadd taʼ aċċidenti ġara fil-jum tat-Tlieta bʼ694 każ jew 17.5 fil-mija tat-total (Tabella nru 8). Il-maġġoranza tal-aċċidenti tat-traffiku seħħew bejn 09:00 u 11:59 bʼ937 każ jew 23.7 fil-mija tat-total, segwiti minn dawk li ġraw bejn 12:00 u 14:59 bi 822 każ. L-inqas għadd taʼ aċċidenti ġraw bejn 03:00 u 05:59 bʼ74 każ (Tabella nru 9).
L-ogħla inċidenza tʼaċċidenti tat-traffiku kienet irreġistrata fʼBirkirkara bʼ250 każ, segwita minn Ħal Qormi u San Pawl Il-Baħar, bʼ218 u bʼ188 każ rispettivament (Tabella nru 10, Mappa nru 1 u Ċart nru 5).
Taʼ Sannat, Il-Fontana, San Lawrenz u L-Għasri rreġistraw anqas minn ħames aċċidenti tat-traffiku. (Mappa nru 1 u Tabella nru 10).
Mappa nru 1. L-aċċidenti tat-traffiku bil-lokalità: Ottubru-Diċembru 2024
Meta mqabblin mal-istess żmien tas-sena taʼ qabel, id-distretti kollha rrapurtaw tnaqqis fl-aċċidenti tat-traffiku barra mid-distretti tan-Nofsinhar tal-Port, tax-Xlokk, u tʼGħawdex u Kemmuna, li rrapportaw żieda. Id-distrett tax-Xlokk irreġistra l-ogħla żieda fil-persentaġġ tal-aċċidenti tat-traffiku bi 12.7 fil-mija, filwaqt li d-distrett tat-Tramuntana tal-Port irreġistra l-ogħla tnaqqis fil-persentaġġ bi 8.9 fil-mija (Tabella nru 1 u Mappa nru 2).
Mappa nru 2. It-tibdil perċentwali fl-aċċidenti tat-traffiku bid-distrett: Ottubru-Diċembru 2024/2023
Il-perspettiva annwali
Fl-2024, l-għadd ta’ mwiet laħaq it-12. Dan huwa tnaqqis taʼ erbgħa meta mqabbel mas-sena ta’ qabel (Ċart nru 1). L-aċċidenti rrappurtati bit-tidrib ammontaw għal 1,284, tnaqqis ta’ 106 jew 7.6 fil-mija meta mqabblin mal-2023. Barra minn hekk, l-aċċidenti bla tidrib ammontaw għal 15,319, żieda ta’ 295 każ jew 2.0 fil-mija fuq il-każijiet irrapportati fis-sena taʼ qabel (Tabelli nri 2-3). It-tieni kwart tal-2024 irreġistra l-ogħla għadd ta’ aċċidenti (4,436), filwaqt li t-tielet kwart tal-2024 irreġistra l-ogħla għadd ta’ mwiet (ħamsa) (Ċart nru 1).
Additional Tables and Charts
Tables
Chart 2. Road traffic casualties by age group and gender
October-December 2024
No Data Found