Stqarrija dwar l-Aċċessibbiltà
L-Uffiċċju Nazzjonali tal-Istatistika (NSO) jagħraf s-siwi li jkun żgurat li s-sit elettroniku jkun jista’ jintlaħaq minn kulħadd u huwa marbut li jagħmel il-kontenut aċċessibbli għal kull min jużah u jtejjeb l-esperjenza tagħhom fl-użu tiegħu. Qed naħdmu il-ħin kollu biex intejbu l-istruttura, il-kontenut u n-navigazzjoni tas-sit tagħna biex inkunu naqblu aktar mal-Linji Gwida dwar l-Aċċessibbiltà tal-Kontenut tal-Web u l-ħtiġijiet u r-rakkomandazzjonijiet l-oħra kollha dwar l-aċċessibbilità mitlubin mill-politiki tal-Gvern ta’ Malta dwar l-ICT (GMICT).
Is-sit elettroniku tagħna, nso.gov.mt, fil-biċċa l-kbira jżomm mal-istandards ta’ aċċessibbiltà u jaqbel mal-WCAG 2.1 livell AA.
Dawk li jsibu xi diffikultà meta jkunu qed jinnavigaw fis-sit elettroniku tagħna huma ġentilment mitlubin ikellmu lit-Taqsima tal-Komunikazzjoni u Tixrid għall-għajnuna.
Limitazzjonijiet taʼ aċċessibbiltà fiżika
Minħabba limitazzjonijiet taʼ aċċessibbiltà fiżika fil-bini tagħna tal-Belt Valletta, persuni bi problemi taʼ mobilità huma ġentilment avżati jikkuntattjaw l-uffiċċju minn qabel ħalli nkunu nistgħu noffru għażliet oħra taʼ servizz, bħal għajnuna online.
Feedback u għajnuna
L-NSO jilqa’ l-feedback tagħkom dwar l-aċċessibbiltà tas-sit elettroniku u l-għodod diġitali tagħna. Jekk jogħġobkom, għidulna b’kull diffikultà li tistgħu tiltaqgħu magħha u aħna ngħinukom.
Taqsima: Komunikazzjoni u Tixrid
Telefown: +356 2599 7219
Indirizz elettroniku: [email protected]
Din l-istqarrija kienet aġġornata fid-29 ta’ April 2025.
