Direzzjonijiet
L-NSO jista’ jintlaħaq minn tliet rotot li huma mfissra hawn taħt (Ara r-rotot ikkuluriti fil-mappa ta’ Google Earth).
L-ewwel triq bil-mixi: Mill-Funtana ta’ Tritoni – linja ħadra
Mill-Funtana ta’ Tritoni li tinstab f’bieb il-Belt, imxi tul it-terminus tal-karozzi tal-linja bis-swar fuq in-naħa tax-xellug tiegħek. Meta tasal f’tarf il-binarji tar-rotot tal-karozzi tal-linja għandek issib mina bi grada ħadra (din tkun miftuħa matul il-jum). Għaddi l-mina sabiex tasal f’tarf il-Ġnien Herbert Ganado. Fin-naħa tax-xellug, issib it-tieni mina żgħira (immarkata bħala d-daħla għall-War Rooms ta’ Lascaris), imxi tul din il-mina billi tinżel it-turġien lejn żona miftuħa fejn hemm id-daħla għat-tielet mina. Imxi tul din l-aħħar mina u ssib l-NSO eżatt kif toħroġ minnha fuq in-naħa tal-lemin.
It-tieni triq bil-mixi: Mill-Funtana ta’ Tritoni / Bieb il-Belt – linja blu
Minn bieb il-belt bil-Funtana ta’ Tritoni warajk, imxi minn ħdejn il-bini tal-Parlament il-ġdid u s-sit tat-teatru l-imwaqqaʼ. Dur fuq il-lemin għal Triq In-Nofsinhar u imxi t-triq kollha ‘l fuq lejn il-Berġa ta’ Kastilja. Ibqa’ miexi tul il-pjazza lejn il-Barrakka ta’ Fuq. Idħol fi Triq Sant’ Orsla kantuniera mad-Dipartiment tal-Informazzjoni; ħu l-ewwel kisra fuq il-lemin, aqsam Triq il-Batterija u inżel it-turġien lejn l-NSO.
Bil-karozza: Mill-Monument tal-Gwerra fil-Floriana – linja ħamra/oranġjo
Dur ir-roundabout tal-Monument tal-Gwerra fil-Floriana, ħu r-raba’ rotta għal Triq San Franġisk, dur fuq ix-xellug għal Triq Vilhena u erġa’ dur fuq ix-xellug u inżel mit-Telgħa tal-Kurċifiss. Kompli għaddej dritt, suq tul il-kors ta’ Xatt ta’ Lascaris u Xatt il-Barriera bil-baħar fuq in-naħa tal-lemin tiegħek. Idħol fi Triq il-Lvant u suq sal-kantuniera bejn Triq il-Lvant u s-Sur ta’ Santa Barbara.
L-ewwel għażla (linja ħamra): Kompli suq tul Triq il-Lvant sakemm toħroġ mill-Victoria Gate. Hekk kif tasal hemm, dur għal Triq Ġnien is-Sultan u aqbeż il-Qasam tad-Djar. Ipparkja u idħol mill-bieb fuq il-lemin tal-parkeġġ. L-NSO jista’ jintlaħaq billi titla’ t-turġien fuq ix-xellug.
It-tieni għażla (linja oranġjo): Minn Triq il-Lvant dur lejn is-Sur ta’ Santa Barbara, ibqa’ tiela sakemm issib il-parkeġġ fit-tarf nett fejn tagħlaq it-triq. Bil-mixi, inżel it-turġien lejn id-daħla tal-NSO.
