01 ID-DEMOGRAFIJA

1.1. Popolazzjoni: 2022

… 501,860 u 40,191 persuna kienu joqogħdu fir-reġjuni taʼ Malta, u Għawdex u Kemmuna, rispettivament.

… persuni fl-età taʼ bejn it-30 u d-39 sena kellhom l-akbar sehem mill-popolazzjoni fiż-żewġ reġjuni.

Tibdil fil-popolazzjoni: 2017-2022

… fir-reġjun ta’ Malta, l-ogħla żidiet perċentwali dehru fil-koorti tal-etajiet taʼ bejn it-30 u d-39 sena u l-40 u d-49 sena. Bʼkuntrast, Għawdex u Kemmuna kellhom l-ogħla żidiet perċentwali filkoorti ta’ bejn it-30 u d-39 sena u s-70 u d-79 sena.

… l-akbar żidiet fil-popolazzjoni tal-barranin kienu fʼdawk fl-età taʼ bejn it-30 u d-39 sena fiż-żewġ reġjuni.

… it-tibdil naturali tal-popolazzjoni fir-reġjun taʼ Malta kien pożittiv u bla waqfien sena wara l-oħra, filwaqt li r-reġjun ta’ Għawdex u Kemmuna kellu rata negattiva ta’ tkabbir naturali tal-popolazzjoni għall-2021 u l-2022.

… fl-2022, il-proporzjon ta’ anzjani mill-popolazzjoni attiva f’MALTA kien ta’ 27.1 fil-mija, u b’hekk hemm bejn wieħed u ieħor erba’ adulti li jaħdmu għal kull persuna li għandha 65 sena jew aktar.

Żwiġijiet: 2022

… kienu rreġistrati 2,546 żwieġ fʼMALTA. Dan juri żieda ta’ 270 żwieġ meta mqabbel mal-2021, b’żieda ta’ 271 żwieġ irreġistrat fir-reġjun ta’ Malta. Kien hemm żwieġ wieħed inqas irreġistrat fir-reġjun ta’ Għawdex u Kemmuna meta mqabbel mas-sena ta’ qabel.

1.2. Familji: 2022

… l-aktar daqs komuni tal-familja għan-nies li joqogħdu fir-reġjun ta’ Malta kien dak ta’ żewġ persuni, filwaqt li fir-reġjun ta’ Għawdex u Kemmuna kien dak ta’ persuna waħda.

… id-dħul disponibbli medju tal-familji kien l-ogħla fid-distrett tax-Xlokk bi €42,855 u l-inqas fid-distrett tat-Tramuntana tal-Port b’€29,852.

… ir-rati tar-riskju ta’ faqar fir-reġjuni ta’ Malta, u Għawdex u Kemmuna kienu ta’ 16.8 u 15.1 fil-mija, rispettivament.

1.3. Benefiċċji Soċjali

Magħżula: 2022

… il-pensjoni taż-żewġ terzi kellha l-akbar għadd ta’ benefiċjarji mill-għażla tal-benefiċċji soċjali fiż-żewġ reġjuni matul is-snin mgħarbulin.

… fir-reġjun ta’ Malta, in-nefqa ras għal ras fuq il-benefiċċji magħżula kienet l-ogħla fil-lokalitajiet tal-Imdina, Santa Luċija, il-Birgu, l-Isla, il-Belt Valletta, il-Furjana u Bormla fejn in-nefqa ras għal ras kienet akbar minn €2,000 f’kull waħda mil-lokalitajiet. B’kuntrast, in-nefqa ras għal ras kienet inqas minn €1,000 fil-lokalitajiet ta’ San Pawl Il-Baħar, l-Imsida, is-Swieqi, Marsaskala, l-Imtarfa,
Ħal Għargħur, il-Gżira u San Ġiljan.

… fir-reġjun ta’ Għawdex u Kemmuna, in-nefqa ras għal ras fuq il-benefiċċji magħżula kienet l-ogħla fir-Rabat bin-nefqa ras għal ras taqbeż l-€1,500. Min-naħa l-oħra, iż-Żebbug, il-Munxar u l- Għarb irreġistraw l-inqas nefqa ras għal ras li kienet taʼ inqas minn €1,000.

02 L-EDUKAZZJONI

Tfal taʼ qabel il-primarja: Sena skolastika 2021/2022

… l-akbar proporzjon ta’ studenti ta’ qabel il-primarja kienu joqogħdu u jattendu skola fid-distrett tat-Tramuntana tal-Port.

… is-sehem tal-istudenti ta’ qabel il-primarja li jattendu l-iskejjel tal-istat u indipendenti ammonta għal 72.0 u 17.7 fil-mija rispettivament.

Studenti tal-primarja: Sena skolastika 2021/2022

… 27,039 student kienu rreġistrati fl-edukazzjoni primarja. L-iskejjel tal-istat baqgħu l-aktar popolari bi 58.1 fil-mija tal-istudenti kollha fil-livell primarju.

Studenti tas-sekondarja: Sena skolastika 2021/2022

… 21,994 student kienu rreġistrati fl-edukazzjoni sekondarja. Il-biċċa l-kbira tal-istudenti attendew istituzzjonijiet fl-istess distrett ta’ fejn joqogħdu ħlief għal l-istudenti residenti fid-distrett tal-Punent, fejn il-biċċa l-kbira minnhom marru f’  istituzzjonijiet li jinsabu fid-distrett tat- Tramuntana tal-Port.

Edukazzjoni ġenerali postsekondarja: Sena skolastika 2021/2022

… 4,494 adoloxxent kienu rreġistrati fl-edukazzjoni ġenerali postsekondarja, li 75.5 fil-mija minnhom marru fʼistituzzjonijiet tal-istat. Il-biċċa l-kbira tal-istudenti attendew istituzzjonijiet li jinsabu fid-distrett tat- tramuntana tal-Port, b’59.5 fil-mija.

Edukazzjoni postsekondarja oħra u terzjarja – Sena skolastika 2021/2022

… 24,151 student attendew korsijiet full-time jew part-time; żieda taʼ 4.3 fil-mija meta mqabblin mas-sena akkademika 2020/2021.

… il-biċċa l-kbira tal-istudenti li joqogħdu Malta, u Għawdex u Kemmuna kienu nisa bʼ55.7 fil-mija. L-akbar sehem ta’ studenti rġiel u nisa ħarġu mit-Tramuntana tal-Port b’31.3 u 29.4 fil-mija, rispettivament.

Gradwati għal kull 1,000 resident – Sena skolastika 2021/2022

… is-sehem ta’ gradwati f’livell 6 tal-MQF għal kull 1,000 resident kien l-ogħla fid-distretti tal- Punent u tat-Tramuntana tal-Port b’5.7 u 5.6, rispettivament, filwaqt li dak għal livell 7 tal-MQF kien l-ogħla fid-distretti tal-Punent u tax-Xlokk b’4.9 u 4.4 għal kull 1,000 resident, rispettivament.

03 IS-SUQ TAX-XOGĦOL

L-impjiegi bil-post tar-residenza: 2022

… 245,059 resident taʼ Malta ħadmu fuq bażi full-time, żieda taʼ 8.6 fil-mija meta mqabblin mal- 2021.

… 81.6 fil-mija tar-residenti taʼ Malta ħadmu fis-settur privat.

… 17,702 residenti taʼ Għawdex u Kemmuna kellhom impjieg full-time, żieda taʼ 5.7 fil-mija meta mqabblin mal-2021.

… 66.0 fil-mija tar-residenti taʼ Għawdex u Kemmuna ħadmu fis-settur privat.

L-impjiegi bil-post tax-xogħol: 2022

… l-impjiegi full-time fir-reġjun taʼ Malta kienu taʼ 249,100, żieda taʼ 8.6 fil-mija fuq l-2021.

… L-ogħla proporzjon ta’ impjiegi full-time fir-reġjun ta’ Malta kien irreġistrat fil- kummerċ bl-ingrossa u bl-imnut; tiswija ta’ vetturi bil-mutur u muturi; it-trasport u l-ħażna; l-attivitajiet taʼ servizz tal-akkomodazzjoni u tal-ikel (Taqsimiet tan-NACE G, H u I) li ammontaw għal 24.5 fil-mija tat-total.

… l-impjiegi full-time fir-reġjun taʼ Għawdex u Kemmuna ammontaw għal 13,661, żieda taʼ 4.8 fil-mija fuq l-2021.

… l-irġiel full-time fir-reġjun ta’ Għawdex u Kemmuna kienu fil-biċċa l-kbira jaħdmu fil- kummerċ bl-ingrossa u bl-imnut; tiswija ta’ vetturi bil-mutur u muturi; it-trasport u l-ħażna; u l-attivitajiet tal-akkomodazzjoni u servizz tal-ikel (Taqsimiet tan-NACE G, H u I), filwaqt li n-nisa kienu jaħdmu l-aktar fl-amministrazzjoni pubblika u d-difiża; is-sigurtà soċjali obbligatorja; l-edukazzjoni; l-attivitajiet tas-saħħa tal-bniedem u ħidma soċjali (Taqsimiet tan-NACE O, P u Q).

Ħaddiema li jivvjaġġaw: 2022

… residenti taʼ Għawdex u Kemmuna li jaħdmu fuq bażi full-time fir-reġjun taʼ Malta kienu bʼkollox 3,494, li minnhom, 54.8 fil-mija ħadmu fis-settur pubbliku u l-bqija ħadmu fis-settur privat.

Qgħad: 2022

… 27.0 fil-mija tal-persuni qiegħda kienu joqogħdu fid-distrett tat-Tramuntana tal-Port.

… 34.0 fil-mija tat-total kienu fil-grupp tal-età taʼ 50 sena u aktar.

Salarju bażiku medju fis-sena: 2022

… is-salarju bażiku medju fis-sena tal-impjegati kien stmat €20,989.

… is-salarju bażiku medju rreġistrat tal-irġiel kien ta’ €22,096, filwaqt li s-salarju bażiku medju fis-sena tan-nisa kien ta’ €19,605. L-ogħla salarji bażiċi annwali medji kemm għall-irġiel kif ukoll għan-nisa kienu rreġistrati fid-distrett tal-Punent.

04 L-EKONOMIJA

Il-Valur Miżjud Gross (VMG) bil-prezz bażiku: 2022

… għar-reġjuni ta’ Malta, u Għawdex u Kemmuna l-VMG żdied bi 15.3 u 14.8 fil-mija rispettivament fuq l-2021.

… l-industriji kollha fir-reġjun ta’ Malta rreġistraw żidiet fil-VMG, bl-akbar żieda (43.1 fil-mija) tkun rreġistrata fl-industriji tal-kummerċ bl-ingrossa u bl-imnut; tiswija ta’ vetturi bil-mutur u muturi; it-trasport u l-ħażna; u l-attivitajiet tal-akkomodazzjoni u ta’ servizz tal-ikel (Taqsimiet tan-NACE G, H u I).

… il-maġġoranza tal-industriji fir-reġjun ta’ Għawdex u Kemmuna rreġistraw żidiet fil-VMG meta mqabblin mas-sena ta’ qabel, bl-industriji tal-kummerċ bl-ingrossa u bl-imnut; tiswija ta’ vetturi bil-mutur u muturi; it-trasport u l-ħażna; u l-attivitajiet tal-akkomodazzjoni u servizz tal-ikel (Taqsimiet tan-NACE G, H u I) jirreġistraw l-akbar żieda, 38.1 fil-mija.

Il-Prodott Domestiku Gross (PDG) bil-prezzijiet tas-suq u ż-żieda tal-impjiegi: 2017-2022

… minkejja li, sena għal sena, l-impjiegi żdiedu fiż-żewġ  reġjuni, iż-żieda fl-impjiegi waqgħet lura meta mqabbla mt-tkabbir tal-PDG matul il-perjodu kkunsidrat, ħlief għall-2020 meta r-rata tat-tibdil fil-PDG kienet negattiva fiż-żewġ reġjuni.

… ras għal ras, il-PDG fir-reġjun ta’ Għawdex u  Kemmuna kien ta’ 55.1 fil-mija meta mqabbel mal-istess stimi fil-livell nazzjonali.

In-negozji attivi fil-livell tal-unità lokali: 2022

… il-popolazzjoni attiva kollha tan-negozji fil-livell tal-unitajiet lokali f’MALTA ammontat għal 57,526, żieda ta’ 1.1 fil-mija, jew 605 unitajiet attivi, fuq l-2021.

… il-biċċa l-kbira tan-negozji attivi kienu joperaw fid-distrett tat-Tramuntana tal-Port (34.4 fil-mija), filwaqt li d-distrett ta’ Għawdex u Kemmuna kien  jirrappreżenta l-inqas sehem b’7.6 fil-mija tan-negozji attivi kollha fil-livell tal-unitajiet lokali.

Il-Permessi għall-Bini  Residenzjali: 2023

… kienu approvati 1,695 permess tal-bini għal total ta’ 8,112-il residenza ġdida.

… b’458 permess u 2,211-il residenza ġdida, l-akbar numri ta’ permessi tal-bini ta’  residenzi ġodda approvati kienu rreġistrati fid-distrett tat-Tramuntana tal-Port,  rispettivament.

… il-maġġoranza tar-residenzi ġodda approvati f’MALTA kienu magħmulin minn appartamenti (70.9 fil-mija) u penthouses b’1,271 unità.

05 IT-TRASPORT

5.1 Trasport bit-triq

Liċenzji: 2023

… il-vetturi bil-liċenzja fʼMALTA laħqu l-438,567 bl-akbar proporzjon ikun irreġistrat fid-distrett tat-Tramuntana tal-Port (25.5 fil-mija).

… Il-karozzi tal-passiġġieri kienu jgħoddu 73.8 fil-mija tal-vetturi kollha bil-liċenzja.

… id-detenturi taʼ liċenzja tas-sewqan ammontaw għal 277,837, żieda taʼ 0.4 fil-mija fuq l-2022. Id-distrett tat-Tramuntana tal-Port kellu l-akbar għadd (26.1 fil-mija). Id-distrett taʼ Għawdex u Kemmuna kellu 9.6 fil-mija tat-total.

Indikaturi tat-trasport: 2022-2023

… fi tmiem l-2022, l-għadd taʼ vetturi għal kull 1,000 detentur taʼ liċenzja tas-sewqan kien taʼ 1,529. Id-distrett tat-Tramuntana rreġistra l-ogħla proporzjon taʼ vetturi, 1,053 għal kull 1,000 resident, filwaqt li d-distrett tan-Nofsinhar tal-Port irreġistra l-aktar  proporzjon baxx bʼ673 vettura għal kull 1,000 resident.

… fl-2023, l-età medja tal-karozzi tal-passiġġieri fʼMALTA kienet taʼ 15.73-il sena. Id-distrett tan-Nofsinhar tal-Port kellu l-ogħla età medja tal-karozzi tal-passiġġieri, 17.11- il sena, segwit mid-distrett taʼ Għawdex u Kemmuna, 16.57-il sena.

… fl-2023, l-għadd taʼ nies li vvjaġġaw bit-trasport pubbliku kienu bʼkollox 67,241,760, li minnhom 4.3 fil-mija biss  kienu fir-reġjun taʼ Għawdex u Kemmuna.

Aċċidenti tat-traffiku: 2023

… l-aċċidenti tat-traffiku rrappurtati żdiedu bʼ4.5 fuq l-2022, bʼ35.8 fil-mija tal-aċċidenti kollha rreġistrati fid-distrett tat-Tramuntana tal-Port. Id-distrett taʼ Għawdex u Kemmuna kellu l-inqas għadd taʼ aċċidenti rrappurtati, 956 każ.

… Birkirkara kienet il-lokalità bl-ogħla rata taʼ aċċidenti tat-traffiku, bʼ1,084 każ, segwita minn Ħal Qormi u San Pawl Il-Baħar.

Kontravenzjonijiet: 2023

… il-kontravenzjonijiet  marbutin mat-traffiku maħruġin mill-Pulizija naqsu bi 11.1 fil-mija mill- 2022, filwaqt li dawk maħruġin mill-Gwardjani naqsu bʼ6.8 fil-mija. Il-biċċa l-kbira taʼ dawn il-kontravenzjonijiet kienu maħruġin fid-distrett tat-Tramuntana tal-Port.

… San Pawl il-Baħar irreġistra l-akbar għadd taʼ kontravenzjonijiet maħruġin mill-Gwardjani, total taʼ 17,872, filwaqt li San Ġiljan kellu l-akbar għadd taʼ kontravenzjonijiet maħruġin minn Transport Malta, li laħqu l-4,953.

… il-kontravenzjonijiet mill-kameras tas-sewqan qawwi għaddew bʼkollox 41,410. Il-kamera li qabdet l-akbar għadd taʼ vetturi li kienu qed jaqbżu l-limitu tas-sewqan kienet dik imwaħħla fʼTul il-Kosta, in-Naxxar, li qabdet 7,457 kontravenzjoni.

5.2 Trasport bil-Baħar

Stokk taʼ dgħajjes tas-sajd: 2023

… l-istokk taʼ dgħajjes tas-sajd kien taʼ 2,729, bl-akbar proporzjon minnhom ikunu MPVs, 44.4 fil-mija. Il-biċċa l-kbira tad-dgħajjes tas-sajd kienu rreġistrati fid-distrett tax-Xlokk, 27.9 fil-mija. Id-dgħajjes tas-sajd irreġistrati fid-distrett taʼ Għawdex u Kemmuna ammontaw għal 21.5 fil-mija.

Trasport bil-baħar bejn Malta u Għawdex imħaddem mill-Gozo Channel Co Ltd: 2023

… il-passiġġieri u l-vetturi li vvjaġġaw bejn Malta u Għawdex żdiedu bi 15.5 fil-mija u 4.1 fil-mija, rispettivament, meta mqabblin mal-2022.

… it-traffiku tal-passiġġieri li oriġina miċ-Ċirkewwa kien l-akbar fil-jiem tal-Ġimgħa u s-Sibt, filwaqt li mix-xatt tal-Imġarr kien l-akbar fil-Ħdud u s-Sibtijiet.

…il-passiġġieri li użaw is-servizz tal-fast ferry ammontaw għal 693,361, filwaqt li l-vjaġġi kollha ammontaw għal 7,417.

06 IT-TURIŻMU

6.1 Stħarriġ fuq in-naħa tal-Provvista (l-Operaturi) Akkomodazzjoni kollettiva

Fl-2023

… fir-reġjun ta’ Malta l-għadd taʼ persuni li qattgħu xi ljieli fi stabbilimenti taʼ akkomodazzjoni kollettiva laħaq iż-2,145,111, żieda ta’ 24.4 fil-mija mill-2022, filwaqt li l-iljieli mgħoddijin żdiedu b’20.5 fil-mija.

… fir-reġjun ta’ Għawdex u Kemmuna l-għadd taʼ persuni li qattgħu xi ljieli fi stabbilimenti taʼ akkomodazzjoni kollettiva żdied bʼ21.4 fil-mija biex laħaq il-108,088, filwaqt li l-iljieli mgħoddijin telgħu bʼ21.8 fil-mija.

… l-akbar ammonti taʼ persuni li qattgħu xi ljieli fi  stabbilimenti taʼ akkomodazzjoni kollettiva kienu rreġistrati fid-distrett tat-Tramuntana tal-Port (48.0 fil-mija tal-mistednin totali). Il-biċċa l-kbira tal-iljieli mgħoddijin kienu mqattgħin ukoll fid-distrett tat- Tramuntana tal-Port (45.6
fil-mija tal-iljieli mgħoddijin kollha).

… l-istabbilimenti taʼ akkomodazzjoni kollettiva fid-distretti tat-Tramuntana tal-Port u tat- Tramuntana laqgħu għandhom 85.0 fil-mija tal-persuni mhux residenti.

… id-distrett tat-Tramuntana tal-Port ħa l-akbar proporzjon taʼ ljieli mgħoddijin minn persuni mhux residenti (49.6 fil-mija).

… il-biċċa l-kbira tar-residenti li qattgħu xi ljieli fl-istabbilimenti taʼ akkomodazzjoni kollettiva rreġistraw fid-distrett tat-Tramuntana u ammontaw għal 36.2 fil-mija, filwaqt li l-biċċa l-kbira tal-iljieli mgħoddijin mir-residenti kienu fid-distrett tat-Tramuntana tal-Port (43.0 fil-mija).

… bʼ5.3 iljieli, id-distrett tat-Tramuntana kellu l-itwal tul medju taż-żjajjar. Warajh, kien hemm id-distrett tat-Tramuntana tal-Port (4.2 iljieli).

… l-ogħla rata taʼ okkupanza netta kienet irreġistrata fid-distrett tat-Tramuntana bʼ67.3 fil-mija. Wara, kien hemm id-distrett tan-Nofsinhar tal-Port bʼ61.9 fil-mija.

… il-biċċa l-kbira tal- istabbilimenti taʼ akkomodazzjoni kollettiva attivi kienu rreġistrati fid-distrett tat-Tramuntana tal-Port (39.1 fil-mija), segwit mid-distrett tan-Nofsinhar tal-Port (21.1 fil-mija).

… l-akbar proporzjon taʼ sodod kienu rreġistrati fid-distrett tat-Tramuntana tal-Port, bʼ45.0 fil-mija tas-sodod kollha, segwit mid-distrett tat-Tramuntana bʼ41.0 fil-mija.

Stabbilimenti Self-Catering fir-reġjun taʼ Għawdex u Kemmuna

Fi tmiem l-2023

… l-akkomodazzjonijiet self-catering irreġistrati kollha kienu jgħoddu 78.1 fil-mija tal-istokk kollu taʼ sodod fir-reġjun taʼ Għawdex u Kemmuna.

… stabbilimenti self-catering oħra, li jinkludu appartamenti u vilel bil-pixxina, kienu  jgħoddu aktar minn nofs tal-bini kollu attiv mgħammar għall-vaganzi.

6.2 Stħarriġ fuq in-naħa tad-Domanda (Il-Viżitaturi)

Turiżmu Intern

… fl-2022, il-vjaġġi domestiċi kollha minn u lejn Malta, u r-reġjun ta’ Għawdex u Kemmuna ammontaw għal 369,000, tnaqqis ta’ 5.0 fil-mija meta mqabbel mal-2021.

It-turisti interni …
… bħala medja qagħdu 2.7 ljieli.
… kienu l-aktar fl-età ta’ bejn il-25 u l-44 sena (46.5 fil-mija).
… ivvjaġġaw għal btala (83.9 fil-mija).

Ir-residenti ta’ Malta li żaru r-reġjun ta’ Għawdex u Kemmuna għal tul ta’ mill-inqas lejl wieħed

… kienu jgħoddu 72.0 fil-mija tat-turisti kollha (interni + dawk li ġew minn barra) li żaru dan ir-reġjun.

… u li qagħdu fi stabbilimenti kummerċjali mhux mikrijin, naqsu b’10.7 fil-mija fuq l-2021, filwaqt li dawk li qagħdu  f’akkomodazzjonijiet mikrijin naqsu ukoll, b’6.5 fil-mija, fl-istess żmien.

… huma stmati li nefqu €57.8 miljun, 23.1 fil-mija inqas meta mqabblin mal-2021.

… ir-residenti ta’ Għawdex u Kemmuna li vvjaġġaw lejn ir-reġjun ta’ Malta żdiedu bil-kbir minn 27,466 fl-2021 għal 37,545 fl-2022.

Turiżmu Lejn Malta

… fl-2023, il-wasliet tat-turisti żdiedu bil-kbir minn 2,286,597 fl-2022 għal 2,975,670. Aktar
minn nofs dawn it-turisti ġew MALTA b’linji tal-ajru ta’ spiża baxxa (61.3 fil-mija).

It-turisti li żaru r-reġjun ta’ Malta biss (destinazzjoni waħda) …
… laħqu 2.8 miljuni, żieda ta’ 1.3 darbiet meta mqabbla mal-2022.
… aktar qagħdu fi stabbilimenti taʼ akkomodazzjoni mikrija (89.9 fil-mija).
… qagħdu medja taʼ 6.6 ljieli, tnaqqis taʼ 0.5 lejl mill-2022.
… ivvjaġġaw l-aktar bʼlinji tal-ajru ta’ spiża baxxa (61.6 fil-mija) u bʼlinji tal-ajru oħra (36.4 fil-mija).
… kellhom nefqa stmata għal €2.5 biljuni.

It-turisti li żaru r-reġjun ta’ Għawdex u Kemmuna biss (destinazzjoni waħda) …
… ammontaw għal 158,378, żieda taʼ 22.7 fil-mija fuq 2022.
… aktar qagħdu fi  stabbilimenti taʼ akkomodazzjoni mikrija (73.0 fil-mija); il-maġġoranza (63.4 fil-mija) għażlu akkomodazzjoni mhux kollettiva.
… qagħdu medja taʼ 9.4 ljieli, tnaqqis taʼ 0.5 lejl mill-2022.
… ivvjaġġaw l-aktar bʼlinji tal-ajru ta’ spiża baxxa (57.6 fil-mija) u bʼlinji tal-ajru oħra (42.1 fil-mija).
… kellhom nefqa stmata għal €82.3 miljun. In-nefqa mhux tal-pakkett kienet kważi tliet darbiet ogħla mill-komponent tal-pakkett.
… fl-2022, dawk li qagħdu ġurnata fʼGħawdex u Kemmuna ammontaw għal 90.8 fil-mija tat-turisti kollha fʼGħawdex u Kemmuna, u kienu bʼkollox 1,556,079 viżitatur.

It-turisti li żaru ż-żewġ reġjuni matul iż-żjara tagħhom (żewġ destinazzjonijiet) …
… ammontaw għal 2.6 fil-mija tal-vjaġġi kollha tat-turiżmu lejn Malta.
… għaddew bʼkollox 77,066, żieda taʼ 19.7 fil-mija fuq l-2022.
… aktar qagħdu fi  stabbilimenti taʼ akkomodazzjoni mikrija (91.2 fil-mija).
… qagħdu medja taʼ 10.2 iljieli, tnaqqis taʼ 0.3 ta lejl mill-2022.
… ivvjaġġaw l-aktar bʼlinji tal-ajru ta’ spiża baxxa (54.9 fil-mija) u bʼlinji tal-ajru oħra (40.3 fil-mija).
… kellhom nefqa stmata għal €88.4 miljun. In-nefqa mhux tal-pakkett kienet kważi sitt
darbiet ogħla min-nefqa tal-pakkett.

6.3 Passiġġieri tal-Vapuri tal-Kruċieri

Fl-2023

… 309 vapuri tal-kruċieri żaru MALTA bi 814,603 passiġġieri, dawn tal-aħħar b’żieda ta’ kważi 1.7 darbiet il-passiġġieri li żaru fl-2022.

… 27,153 passiġġier għadda mill-inqas lejl wieħed fuq il-vapur irmiġġat.

… 20 vapur tal-kruċieri żaru r-reġjun ta’ Għawdex u  Kemmuna b’6,745 passiġġier.

07 Il-BIEDJA U S-SAJD

7.1 Biedja: 2023

Frott u Ħaxix: 2023

… 93.8 fil-mija tal-ħaxix kollu, jew €22.0 miljun, kien imkabbar fir-reġjun ta’ Malta.

… 89.8 fil-mija tal-frott kollu, jew €3.5 miljuni, kien imkabbar fir-reġjun ta’ Malta.

… ir-reġjun ta’ Għawdex u Kemmuna ta b’kemm jiswew €1.9 miljun f’ħaxix u €0.2 miljun fi frott.

Bhejjem u liċenzji: 2023

… 73.0 tal-liċenzji kollha kienu rreġistrati fir-reġjun ta’ Malta, filwaqt li Għawdex u Kemmuna
kellhom is-27.0 fil-mija li jifdal.

… l-akbar għadd ta’ bhejjem imrobbijin fir-reġjun ta’ Malta kien dak tal-majjali, filwaqt li dak fir-reġjun ta’ Għawdex u Kemmuna kien dak tal-baqar.

7.2 Sajd: 2023

… b’kollox 2.0 miljun kilogramma ta’ ħut maqbud kienu rreġistrati f’MALTA fl-2023, li minnhom 91.2 fil-mija kienu rreġistrati minn sajjieda Maltin.

… il-valur tal-ħut kollu maqbud mis-sajjieda Għawdxin kien jammonta għal 10.2 fil-mija tal-valur tal-ħut kollu maqbud irreġistrat f’MALTA.

08 IR-RIŻORSI

8.1 Ilma

Bejn l-2018 u l-2023

… il-konsum tal-ilma fʼMALTA rreġistra żieda taʼ 12.0 fil-mija.

… il-persentaġġ taʼ telf mit-netwerk niżel minn 11.4 għal 9.5 fil-mija.

… l-ogħla u l-ibxax punti staġjonali kienu aktar immarkati fir-reġjun ta’ Għawdex u Kemmuna,
magħrufin minn żidiet aktar qawwija fid-domanda matul ix-xhur tas-sajf.

… l-impjant tat-tisfija tal-ilma fir-reġjun ta’ Għawdex u Kemmuna pproduċa kważi 2.0 miljuni m³ ta’ ilma, li wassal għal tnaqqis ta’ 22.9 fil-mija fil-produzzjoni tal-ilma tal-pjan fl-istess reġjun.

Fl-2023

… il-persentaġġ ta’ telf min-netwerk fir-reġjun ta’ Malta kien inqas minn dak ta’ Għawdex u Kemmuna, b’4.4 punti perċentwali anqas.

8.2 Skart

Fl-2022

… meta mqabbel mal-2018, il-ġbir bieb bieb ta’ skart  riċiklabbli niexef magħżul kien akbar b’25.2 fil-mija fir-reġjun ta’ Malta u bi 11.6 fil-mija fir-reġjun ta’ Għawdex u Kemmuna.

… meta mqabbel mal-2018, il-ġbir ta’ skart riċiklabbli niexef magħżul mill-bring-in sites kien taʼ 17.5 fil-mija anqas mill-2018 fir-reġjun ta’ Malta, filwaqt li f’Għawdex u Kemmuna naqas bi 38.2 fil-mija għal 415-il tunnellata.

… il-ġbir ta’ karti, plastik u metall imħallat (borża griża/ħadra) f’MALTA kien jirrappreżenta l-akbar sehem (89.4 fil-mija) tal-ġbir bieb bieb ta’ skart riċiklabbli niexef u rreġistra żieda ta’ 20.5 fil-mija fuq l-2018.

… il-ġbir tal-ħġieġ kien jagħmel l-akbar sehem mill-materjal kollu miġbur permezz tal-bring-in sites fir-reġjun ta’ Malta, b’71.7 fil-mija. Min-naħa l-oħra, il-ġbir tal-karti kien jirrappreżenta l-akbar sehem tal-materjal kollu miġbur permezz tal-bring-in sites fir-reġjun ta’ Għawdex u Kemmuna, bir-rata ta’ 42.9 fil-mija.

… l-iskart miġbur miċ-ċentri għall-iskart goff żdied b’2,965 tunnellata fir-reġjun ta’ Malta fuq l- 2018 u laħaq it-30,444 tunnellata.

… 94.8 fil-mija tal-iskart kollu li nġabar miċ-ċentri għall-iskart goff f’MALTA kien ikklassifikat bħala mhux perikoluż.

… il-ġenerazzjoni tal-iskart muniċipali f’MALTA ammontat għal 328,394 tunnellata, żieda ta’ 0.5 fil-mija għar-reġjun ta’ Malta u żieda ta’ 6.5 fil-mija fir-reġjun ta’ Għawdex u Kemmuna fuq l- 2018.

8.3 Enerġija Rinnovabbli mill-Pannelli Fotovoltajċi (PVs)

Fl-2023

… l-ammont ta’ installazzjonijiet ta’ pannelli fotovoltajċi kien ta’ 33,818 li minnhom 85.4 fil-mija kienu mwaħħlin fir-reġjun ta’ Malta u 14.6 fil-mija kienu fir-reġjun ta’ Għawdex u Kemmuna.

… id-distrett tat-Tramuntana tal-Port u d-distrett tal-Punent kellhom 43.9 fil-mija tal-tal-pannelli fotovoltajċi fir-reġjun ta’ Malta.

… is-settur domestiku kellu 93.4 fil-mija tal-ammont kollu ta’ pannelli fotovoltajċi mwaħħlin u 44.7 fil-mija tal-kWp kollu.

… is-setturi kummerċjali u pubbliċi kellhom 5.8 fil-mija u 0.8 fil-mija tal-ammont kollu ta’ pannelli fotovoltajċi, u 52.7 u 2.6 fil-mija tal-kWp kollu, rispettivament.

… il-biċċa l-kbira tal-enerġija kienet iġġenerata fid-distretti tax-Xlokk u tat-Tramuntana tal-Port bi 22.9 fil-mija u bi 17.4 fil-mija tal-GWh kollu, rispettivament.

… id-disa’ lokalitajiet ta’ quddiem nett – meta tqabbel l-għadd kollu ta’ pannelli fotovoltajċi mwaħħlin fis-settur domestiku għal kull elf persuna residenti – kollha kienu jinsabu fir-reġjun ta’ Għawdex u Kemmuna.

… ir-rata tal-qawwa massima ta’ sistema medja ta’ pannelli fotovoltajċi fis-settur  domestiku kienet tilħaq it-3.4 kWp, filwaqt li dik fis-setturi kummerċjali u pubbliċi laħqet l-64.6 kWp u l- 21.5 kWp, rispettivament.

… il-ġenerazzjoni tal-enerġija minn pannelli fotovoltajċi mwaħħlin mal-grilja żdiedet bʼ6.7 fil-mija, u kienet stmata li kellha valur taʼ 309.3 GWh.