Stqarrijiet tal-aħbarijiet

Il-Bilanċ Fiskali u d-Dejn tal-Gvern Ġenerali taħt it-Trattat taʼ Maastricht: L-Ewwel Rappurtar għall-2026

NR 067/2026
Data tal-Ħruġ: 22 taʼ April 2026

  • Fl-2025, is-settur tal-Gvern Ġenerali rreġistra defiċit taʼ €545.3 miljun, li huwa ekwivalenti għal 2.2 fil-mija tal-PDG.
  • Fl-2025, id-dejn żdied bʼ€776.0 miljun fuq is-sena taʼ qabel, u laħaq il-€11,397.1 miljun jew 46.4 fil-mija tal-PDG.
  • Saru aġġustamenti biex defiċit taʼ €823.9 miljun tal-Fond Konsolidat ikun mibdul fʼdefiċit taʼ €545.3 miljun tas-settur tal-Gvern Ġenerali bbażat fuq is-sistema tal-accruals.

Il-Bilanċ Fiskali u d-Dejn tal-Gvern Ġenerali taħt it-Trattat taʼ Maastricht: L-Ewwel Rappurtar għall-2026

Il-Bilanċ Fiskali u d-Dejn tal-Gvern Ġenerali taħt it-Trattat taʼ Maastricht: L-Ewwel Rappurtar għall-2026

NR 067/2026
Data tal-Ħruġ: 22 taʼ April 2026

Fl-2025, il-Gvern Ġenerali rreġistra defiċit taʼ €545.3 miljun, li huwa ekwivalenti għal 2.2 fil-mija tal-PDG. Id-dejn tal-Gvern Ġenerali kien jammonta għal €11,397.1 miljun jew 46.4 fil-mija tal-PDG.

Il-Bilanċ Fiskali u d-Dejn tal-Gvern Ġenerali

Id-defiċit tal-Gvern Ġenerali għall-2025 kien taʼ €545.3 miljun, li huwa titjib taʼ €248.7 miljun fuq id-defiċit li kien irreġistrat fis-sena taʼ qabel. Il-bilanċ jitkejjel billi tinħareġ id-differenza bejn id-dħul sħiħ (€8,553.8 miljun) u n-nefqa sħiħa (€9,099.1 miljun) tal-Gvern Ġenerali. Meta jitqabblu l-2025 u l-2024, id-dħul sħiħ żdied bʼ€736.2 miljun, filwaqt li n-nefqa sħiħa żdiedet bʼ€487.5 miljun.

Tabella nru 1. L-aggregati ewlenin
2022 2023 2024 2025
Id-dħul tal-Gvern Ġenerali € 000 5,951,755 6,558,814 7,817,608 8,553,838
Bħala % tal-PDG 33.1 31.3 33.8 34.8
In-nefqa tal-Gvern Ġenerali € 000 6,903,626 7,487,202 8,611,610 9,099,098
Bħala % tal-PDG 38.4 35.8 37.2 37.0
Is-surplus (+) / id-defiċit (-) tal-Gvern Ġenerali € 000 -951,872 -928,388 -794,003 -545,260
Bħala % tal-PDG -5.3 -4.4 -3.4 -2.2
Id-dejn tal-Gvern Ġenerali € 000 9,040,437 9,817,891 10,621,098 11,397,076
Bħala % tal-PDG 50.3 46.9 45.9 46.4

Id-defiċit tal-Gvern Ġenerali kien ta’ 2.2 fil-mija tal-PDG, li huwa titjib taʼ 1.2 punti perċentwali meta mqabbel mad-defiċit taʼ 3.4 fil-mija li kien irreġistrat fl-2024.

Id-dejn tal-Gvern Ġenerali żdied bʼ€776.0 miljun fuq l-2024 biex laħaq €11,397.1 miljun. Fl-2025, il-proporzjon tad-dejn imqabbel mal-PDG telaʼ għal 46.4 fil-mija mill-45.9 fil-mija fl-2024 (Tabella nru 1).

Iċ-Ċifri tal-2025

Sabiex sar magħruf il-bilanċ negattiv taʼ €545.3 miljun tas-settur tal-Gvern Ġenerali għall-2025, saru għadd taʼ aġġustamenti fil-bilanċ tal-Fond Konsolidat tal-Gvern, li rreġistra defiċit taʼ €823.9 miljun, skont kif kien irrappurtat fl-istqarrija tal-aħbarijiet tal-NSO 052/2026. L-aġġustamenti huma meħtieġa għat-tranżizzjoni mill-Fond Konsolidat tal-Gvern għall-eżerċizzju li huwa bbażat fuq id-dovuti (accruals) u li huwa kkompilat skont il-metodoloġija Ewropea stabbilita. L-aġġustamenti jqisu wkoll kemm l-Entitajiet meqjusa parti mill-Gvern (EBUs)1, li huma kklassifikati ġos-settur tal-Gvern Ġenerali, kif ukoll is-settur tal-Gvern Lokali. Tabella nru 3 tipprovdi t-tranżizzjoni mill-Fond Konsolidat għas-settur tal-Gvern Ġenerali.

L-akbar aġġustament pożittiv kellu xʼjaqsam mat-tranżazzjonijiet fi flus kontanti aġġustati biż-żmien (€391.6 miljun), li kien segwit mis-surplus irreġistrat mill-EBUs, li laħaq il-€126.2 miljun fl-2025, li fisser tnaqqis taʼ €74.0 miljun fuq l-2024. Tranżazzjonijiet pożittivi oħra inkludew id-differenza bejn l-imgħax imħallas u dak akkumulat (€9.8 miljuni) u l-imgħax irċevut mis-Sinking Fund (€9.5 miljuni).

L- aġġustamenti negattivi ewlenin inkludew Kontijiet oħra riċevibbli u pagabbli, li ammontaw għal €147.9 miljun. Fost ħwejjeġ oħra, dawn jinkludu ċ-ċifri tal-accruals tad-Dipartiment tat-Teżor u l-aġġustamenti tan-newtralizzazzjoni tal-Fondi tal-UE. Aġġustamenti oħra negattivi kienu l-Kumpens tal-Gvern lill-azzjonisti tan-National Bank of Malta (€71.8 miljun), il-flussi tal-Clearance Funds tat-Teżor (TCF) fi tranżazzjonijiet mhux finanzjarji (€8.1 miljun), ir-reġistrazzjoni tal-krediti tat-taxxa pagabbli (€8.0 miljuni), it-tranżazzjonijiet li ġew indirizzati mill-ġdid fis-settur tal-Gvern Ġenerali u l-ftehim għas-sħubiji bejn il-Gvern u l-privat (PPP) (€4.5 miljuni) u s-surplus aggregat mill-Gvern Lokali (€2.9 miljuni) (Tabella nru 3).

Rappurtar u aġġornamenti

Fit-30 taʼ Marzu 2026, Malta bagħtet il-livelli tad-defiċit u d-dejn tal-Gvern għas-snin 2022-2025, bħala parti mill-Proċedura tan-Notifikazzjoni tad-Defiċit Eċċessiv (EDP). Dan sar skont ir-Regolament tal-Kunsill (RK) Nru 479/2009, kif emendat mir-Regolament tal-Kummissjoni (UE) Nru 220/2014.

Meta mqabbel mas-sottomissjoni taʼ qabel, li kienet saret fit-30 taʼ Settembru 2025, id-defiċit tal-Gvern Ġenerali kien rivedut ʼl isfel għall-2022 u l-2024, u ʼl fuq għall-2023. Għall-2022, kien hemm tibdil fʼKontijiet oħra riċevibbli u pagabbli, li kellu impatt pożittiv taʼ €8.7 miljuni fuq il-bilanċ fiskali, filwaqt li aġġornamenti tar-rapporti finanzjarji awditjati tal-EBUs u l-kunsilli lokali wasslu għal impatt pożittiv taʼ €1.2 miljun.

Għall-2023 u l-2024, ir-reviżjonijiet jirriflettu l-aktar it-tibdil fil-kategorija ta’ Kontijiet oħra riċevibbli u pagabbli, li kellu impatt pożittiv fuq il-bilanċ fiskali f’dawn is-sentejn, li laħqu s-€7.5 miljuni u t-€8.7 miljuni, rispettivament. It-tlestija tar-rapporti finanzjarji awditjati għall-EBUs u l-kunsilli lokali wasslet għal reviżjoni negattiva ta’ €9.0 miljuni fuq il-bilanċ fiskali fl-2023 u għal reviżjoni pożittiva ta’ €9.2 miljuni fl-2024.

Ir-reviżjonijiet fid-dejn tal-Gvern Ġenerali kienu ġejjin mit-tlestija tal-kontijiet awditjati tal-EBUs u l-kunsilli lokali. B’hekk, iċ-ċifri tad-dejn ġew riveduti ’l isfel b’€7.4 miljuni fl-2022, bi €8.3 miljuni fl-2023 u b’€26.3 miljun fl-2024.

Aġġustamenti fl-istock-flow (SFA)

L-SFA, li huwa wkoll magħruf bħala l-aġġustament tad-defiċit u d-dejn, jaqbad dawk it-tranżazzjonijiet jew fatturi li jaffettwaw id-dejn tal-Gvern imma li ma jkunux jidhru fil-bilanċ fiskali tiegħu. Fl-2025, kien irreġistrat SFA taʼ 0.9 fil-mija tal-PDG, li juri li ż-żieda fid-dejn tal-gvern, li kien taʼ 3.2 fil-mija tal-PDG, kienet ogħla mid-defiċit ta’ 2.2 fil-mija tal-PDG. L-SFA pożittiv kien ġej l-aktar minn ċaqliq fil-komponenti tiegħu, l-aktar miż-żidiet fil-Munita u d-Depożiti (0.6 fil-mija tal-PDG) u fiż-żamma tal-Ishma fʼfondi taʼ investiment (0.2 fil-mija tal-PDG), li kienu bbilanċjati bi tnaqqis fʼKontijiet oħra riċevibbli u pagabbli (0.1 fil-mija tal-PDG) (Tabella nru 4).

Aktar Tagħrif

Fʼdin l-istqarrija, id-data hija ppreżentata fuq il-bażi tad-dovuti, bʼkuntrast mal-istqarrijiet taʼ kull xahar dwar iċ-ċifri tal-finanzi tal-Gvern, li jirriflettu l-Fond Konsolidat tal-Gvern u huma ppreżentati fuq il-bażi tal-ħlas. Dan l-eżerċizzju huwa kkompilat skont il-Manwal dwar id-Defiċit u d-Dejn tal-Gvern u Is-Sistema Ewropea tal-Kontijiet Nazzjonali (ESA) 2010 (l-edizzjoni tal-2023). Hija tkopri s-settur tal-Gvern Ġenerali, li jinkludi fih ʼl-Gvern Lokali, l-Entitajiet Barra mill-Estimi, u l-Gvern Ċentrali li għandu xʼjaqsam mal-estimi. Huma inklużi wkoll kontijiet oħra tal-Gvern, bħall-Clearance Fund tat-Teżor u s-Sinking Fund, flimkien mal-Fond Konsolidat. Tranżazzjonijiet finanzjarji huma esklużi, u aġġustamenti oħra fuq il-bażi tad-dovuti huma meqjusa.

It-Tabelli tan-notifika uffiċjali tal-EDP li kienu mgħoddijin lill-Kummissjoni Ewropea jinstabu fit-tabelli tal-Excel.

Id-data tal-Fond Konsolidat tal-Gvern jinstabu hawn: online.

Aktar tagħrif kemm dwar il-kategoriji tad-dħul u n-nefqa kif ukoll l-assi u l-obbligazzjonijiet finanzjarji u d-dejn, inħareġ fl-Istqarrija dwar ‘Il-Kontijiet taʼ Kull Tliet Xhur tal-Gvern Ġenerali: K4/2025’.

L-Inventarju Konsolidat tas-Sorsi u l-Metodi tal-EDP fl-ESA 2010 jinsab fis-sit elettroniku tal-NSO. Id-dokument jistaʼ jintlaħaq minn hawn: https://nso.gov.mt/mt/themes_sources___met/il-bilanc-fiskali-u-d-dejn-tal-gvern-generali-taht-it-trattat-ta%ca%bc-maastricht/

1 Lista li tinstab fi tmiem din l-istqarrija tal-aħbarijiet turi l-EBUs li kienu jagħmlu sehem mis-settur tal-Gvern Ġenerali fil-31 ta’ Diċembru 2025.

Tables

Tables

Table 2. General Government balance and debt data

Table 3. Transition between Consolidated Fund and General Government sector

Table 4. Composition of stock flow adjustment

Table 5. Extra Budgetary Units as at 31 December 2025 

EDP Table 1. Reporting of government surplus/deficit and debt levels and provision of associated data 

EDP Table 2A. Provision of the data which explain the transition between the public accounts budget balance and the central government surplus/deficit 

EDP Table 2C. Provision of the data which explain the transition between the working balance and the local government surplus/deficit 

EDP Table 3A. Provision of the data which explain the contributions of the surplus/deficit and the other relevant factors to the variation in the debt level (general government) 

EDP Table 3B. Provision of the data which explain the contributions of the surplus/deficit and the other relevant factors to the variation in the debt level and the consolidation of debt (central government) 

EDP Table 3D. Provision of the data which explain the contributions of the surplus/deficit and the other relevant factors to the variation in the debt level and the consolidation of debt (local government) 

EDP Table 4. Provision of other data in accordance with the statements contained in the Council minutes of 22/11/1993 

All Tables

Methodological Notes

1. Within the context of the Excessive Deficit Procedure (EDP) compilation, Government is taken to mean the General Government (S.13 sector according to the ESA 2010 definitions). This includes the Budgetary Central Government made up of Government ministries and departments, the Extra Budgetary Units (EBUs) which are classified as forming part of this sector, as well as all the Local Councils.
 
2. This release presents Government deficit and debt worked out in line with the procedure defined in the Maastricht Treaty (Article 104). The basic conceptual reference framework for this exercise is the ESA 2010 Manual on Government Deficit and Debt (2022 edition); which is in turn based on the European System of National and Regional Accounts (ESA 2010). This compliance with the reference framework allows for the international comparability of the data.
 
3. Article 104 of the Maastricht Treaty requires Member States to avoid excessive government deficits. In this respect the Commission monitors the development of the budgetary situation and of the stock of government debt. A protocol of the Maastricht Treaty specifies the reference percentages for general government deficit (which should not exceed 3 per cent of GDP), and for the gross nominal consolidated debt (which should not exceed 60 per cent of GDP).
 
4. The Stock Flow Adjustment (SFA) is the difference between the change in the stock of Government debt and the flow of annual Government deficit/surplus. Deficits normally contribute to an increase in debt levels, while surpluses reduce them. However, the change in government debt also reflects other elements which do not appear in the surplus/deficit figures.
 
5. The data contained in this release may be revised. Figures may not add up due to rounding.
 
6. More information relating to this news release may be accessed at:
 
7. References to this news release are to be cited appropriately. For guidance on access and re-use of data please visit our dedicated webpage.
 
8. A detailed news release calendar is available online.
 
9.  For further assistance send your request through our online request form.
 
Subscribe for Statistical Updates

Il-Finanzi Pubbliċi

Stqarrijiet tal-Aħbarijiet Oħra

Temi Oħra Relatati

  • Il-Ħarsien Soċjali
  • Il-Kontijiet Nazzjonali

    • Għal mistoqsijiet ikkuntattja:

    [email protected]


    Għal aktar data, jekk jogħġbok żur:

    L-Indikaturi Magħżula
      NSO

    Lascaris
    Il-Belt Valletta VLT 2000
    Malta
    +356 25997000

     
     
    L-Uffiċċju
    Klijent
    Legali
     
    Abbona fin-Newsletter tagħna
    ABBONA
    Kalkulatur tal-Inflazzjoni Kalendarju tal-Istqarrijiet tal-Aħbarijiet Talbiet għat-Tagħrif Mistoqsijiet dwar il-Kodiċi tan-NACE
    Skip to content