Il-Passiġġieri tal-Vapuri tal-Kruċieri: K3/2024
Fit-tielet kwart tal-2024, żaru Malta 124 vapur tal-kruċieri, żieda ta’ 16 meta mqabblin mal-istess perjodu taʼ sena qabel. Il-passiġġieri li għaddew minn Malta sabiex komplew il-vjaġġ tagħhom lejn xi mkien ieħor kienu jagħmlu l-maġġoranza assoluta tat-traffiku kollu, u laħqu l-271,268 (84.3 fil-mija). Bħala medja, kull bastiment li kien irmiġġat f’Malta ġarr 2,595 passiġġier, 629 inqas mis-sena ta’ qabel (Tabella nru 1).
Il-passiġġieri mill-Istati Membri tal-UE kienu jgħoddu 44.7 fil-mija tat-traffiku totali. Is-swieq ewlenin kienu dak Taljan li laħaq 17.4 fil-mija tal-passiġġieri kollha, segwit minn dak Ġermaniż bi 8.5 fil-mija tal-passiġġieri. L-għadd sħiħ ta’ passiġġieri minn pajjiżi mhux tal-UE laħaq il-178,124, li minnhom 36.8 fil-mija kienu ġejjin mir-Renju Unit u 36.2 fil-mija kienu ġejjin mill-Istati Uniti (Tabella nru 1).
Il-passiġġieri nisa laħqu 53.4 fil-mija tat-total. L-akbar ammont taʼ passiġġieri kienu fl-età taʼ bejn l-40 u d-59 sena (32.7 fil-mija). Warajhom, kien hemm dawk li kienu fl-età taʼ bejn is-60 u d-79 sena (30.8 fil-mija) (Tabella nru 1).
Jannar-Settembru 2024
Fl-ewwel tlett kwarti tas-sena 2024, l-għadd sħiħ taʼ passiġġieri laħaq is-672,276, li 42.9 fil-mija minnhom kienu ġejjin minn pajjiżi tal-UE (Tabella nru 2).
Il-biċċa l-kbira tal-passiġġieri kienu nisa u ammontaw għal 360,571, jew 53.6 fil-mija tat-total. Fost il-gruppi tal-età, l-akbar grupp taʼ passiġġieri kellhom bejn is-60 u d-79 sena, u laħqu l-235,340 (35.0 fil-mija). Warajhom, kien hemm il-passiġġieri li kellhom bejn l-40 u d-59 sena, li laħqu 208,308 (31.0 fil-mija) (Tabella nru 2).
Kien hemm 271 żjara taʼ vapuri tal-kruċieri fiż-żmien taʼ riferenza, bʼmedja taʼ 2,481 passiġġier fʼkull waħda, apparagun tal-227 żjara u medja taʼ 2,844 passiġġier fʼkull waħda fil-perjodu komparattiv tal-2023 (Tabella nru 2).
Ċart nru 1. L-għadd sħiħ taʼ passiġġieri tal-kruċieri
No Data Found
Methodological Notes
| Embarkations | 2022 | 2023 | 2024 |
| July-September | 40,384 | 56,808 | 49,943 |
| January-September | 64,502 | 97,042 | 103,386 |
- Cruise passenger traffic: comprises transit passengers and passengers who land in Malta.
- Embarkations: comprise all cruise passengers who are either Maltese or who are foreigners who arrive in Malta by other means of transport.
- Transit passengers: comprise all cruise passengers who arrive in and leave Malta on the same cruise ship.
- Landed passengers: comprise all cruise passengers who arrive in Malta on a cruise ship and leave by other means of transport, or alternatively, stay in Malta.
- Passengers staying overnight: comprise passengers who spend at least one night on the Maltese Islands, either onboard the cruise ship or on land.
- Average number of passengers per vessel: computed by dividing total cruise passenger traffic by the number of cruise liner calls.
7. A detailed news release calendar is available online.
8. References to this news release are to be cited appropriately. For guidance on access and re-use of data please visit our dedicated webpage.
9. For further assistance send your request through our online request form.
Il-Passiġġieri tal-Vapuri tal-Kruċieri: K3/2024
- Fit-tielet kwart tal-2024, l-għadd sħiħ taʼ passiġġieri tal-kruċieri laħaq it-321,814, tnaqqis taʼ 7.6 fil-mija fuq l-istess perjodu tas-sena taʼ qabel.
- Fl-istess perjodu, 124 vapur tal-kruċieri żar pajjiżna, żieda ta’ 16 meta mqabbel mal-istess żmien tas-sena taʼ qabel.
- L-Italja u l-Ġermanja kienu ż-żewġt iswieq ewlenin tal-istati membri tal-UE fit-tielet kwart tal-2024.
- Fl-ewwel tliet kwarti tal-2024, l-għadd sħiħ taʼ passiġġieri tal-vapuri tal-kruċieri kien taʼ 672,276, żieda taʼ 4.1 fil-mija meta mqabbel mal-istess perjodu tas-sena li għaddiet.
- Fl-istess perjodu, 271 vapur tal-kruċieri żar pajjiżna, żieda ta’ 44 meta mqabbel mas-sena taʼ qabel.
