Il-Passiġġieri tal-Vapuri tal-Kruċieri: K3/2025
Fit-tielet kwart tal-2025, żaru Malta 140 vapur tal-kruċieri, żieda ta’ 16 meta mqabblin mal-istess perjodu taʼ sena qabel. Il-passiġġieri li għaddew minn Malta biex komplew il-vjaġġ tagħhom lejn xi mkien ieħor kienu jagħmlu l-maġġoranza assoluta tat-traffiku kollu, u laħqu l-294,501 (84.1 fil-mija). Bħala medja, kull bastiment li kien irmiġġat f’Malta ġarr 2,502 passiġġieri, 93 inqas mis-sena ta’ qabel (Tabella nru 1).
Il-passiġġieri mill-Istati Membri tal-UE kienu jgħoddu 50.2 fil-mija tat-traffiku kollu. Is-swieq ewlenin kienu dak Taljan li laħaq id-19.0 fil-mija tal-passiġġieri kollha, segwit minn dak Spanjol bʼ10.4 fil-mija tal-passiġġieri. L-għadd sħiħ ta’ passiġġieri minn pajjiżi mhux tal-UE laħaq il-174,427, li minnhom 37.1 fil-mija kienu ġejjin mir-Renju Unit u 32.7 fil-mija kienu ġejjin mill-Istati Uniti (Tabella nru 1).
Il-passiġġieri nisa laħqu 53.7 fil-mija tat-total. L-akbar ammont taʼ passiġġieri kienu fl-età taʼ bejn l-40 u d-59 sena (33.0 fil-mija). Warajhom, kien hemm dawk li kienu fl-età taʼ bejn is-60 u d-79 sena (29.9 fil-mija) (Tabella nru 1).
Jannar-Settembru 2025
Fl-ewwel tliet kwarti tas-sena 2025, l-għadd sħiħ taʼ passiġġieri laħaq is-691,261, li 47.0 fil-mija minnhom kienu ġejjin minn pajjiżi tal-UE (Tabella nru 2).
Il-biċċa l-kbira tal-passiġġieri kienu nisa u ammontaw għal 369,154, jew 53.4 fil-mija tat-total. Fost il-gruppi tal-età, l-akbar grupp taʼ passiġġieri kellhom bejn is-60 u d-79 sena, u laħqu l-235,046 (34.0 fil-mija). Warajhom, kien hemm il-passiġġieri li kellhom bejn l-40 u d-59 sena, li laħqu 214,145 (31.0 fil-mija) (Tabella nru 2).
Kien hemm 294 żjara taʼ vapuri tal-kruċieri fl-ewwel tliet kwarti tas-sena, bʼmedja taʼ 2,351 passiġġier fʼkull waħda, apparagun tal-271 żjara u medja taʼ 2,481 passiġġier fʼkull waħda fl-istess perjodu tal-2024 (Tabella nru 2).
Ċart nru 1. L-għadd sħiħ taʼ passiġġieri tal-kruċieri biż-żmien
Methodological Notes
| Embarkations | 2023 | 2024 | 2025 |
|---|---|---|---|
| July-September | 56,808 | 49,943 | 55,147 |
| January-September | 97,042 | 103,386 | 104,582 |
6. Definitions:
Cruise passenger traffic: comprises transit passengers and passengers who land in Malta.
Embarkations: comprise all cruise passengers who are either Maltese or who are foreigners who arrive in Malta by other means of transport.
Transit passengers: comprise all cruise passengers who arrive in and leave Malta on the same cruise ship.
Landed passengers: comprise all cruise passengers who arrive in Malta on a cruise ship and leave by other means of transport, or alternatively, stay in Malta.
Passengers staying overnight: comprise passengers who spend at least one night in the Maltese Islands, either onboard the cruise ship or on land.
Average number of passengers per vessel: computed by dividing total cruise passenger traffic by the number of cruise liner calls.
7. A detailed news release calendar is available online.
8. References to this news release are to be cited appropriately. For guidance on access and re-use of data please visit our dedicated webpage.
9. For further assistance send your request through our online request form.
Il-Passiġġieri tal-Vapuri tal-Kruċieri: K3/2025
- Fit-tielet kwart tal-2025, l-għadd sħiħ taʼ passiġġieri tal-kruċieri laħaq it-350,338, żieda taʼ 8.9 fil-mija fuq l-istess perjodu tas-sena taʼ qabel.
- Fl-istess perjodu, 140 vapur tal-kruċieri żaru pajjiżna, li huma żieda ta’ 16 meta mqabblin mal-istess żmien tas-sena taʼ qabel.
- Fl-ewwel tliet kwarti tal-2025, l-għadd sħiħ taʼ passiġġieri laħaq is-691,261, żieda taʼ 2.8 fil-mija meta mqabbel mal-istess perjodu tas-sena li għaddiet.
- Fl-ewwel tliet kwarti tal-2025, 294 vapur tal-kruċieri żaru pajjiżna, li huma żieda ta’ 23 meta mqabblin mal-istess perjodu tas-sena taʼ qabel.
