Il-Permessi għall-Bini Residenzjali: K3/2024
- Matul it-tielet kwart tal-2024, inħarġu 394 permess tal-bini għal total taʼ 1,744 residenza ġdida.
- Meta mqabbel mal-istess perjodu tal-2023, in-numru taʼ residenzi ġodda approvati naqas bʼ4.5 fil-mija.
- Meta mqabblin maʼ K3 2023, ir-residenzi approvati fʼMalta naqsu bi 8.1 fil-mija, filwaqt li dawk fʼGħawdex u Kemmuna żdiedu bʼ14.3 fil-mija.
- L-appartamenti ammontaw għal 68.8 fil-mija tar-residenzi ġodda kollha approvati.
- L-ogħla numru taʼ residenzi ġodda approvati (149) kien irreġistrat fʼBirkirkara.
Il-Permessi għall-Bini Residenzjali: K3/2024
Il-Permessi għall-Bini Residenzjali: K3/2024
Il-Permessi tal-bini residenzjali u residenzi approvati
Il-permessi tal-bini huma awtorizzazzjonijiet sabiex jinbdew proġetti ġodda taʼ bini. L-għan taʼ din l-istatistika huwa li juri l-iżvilupp ġejjieni fil-kostruzzjoni fʼtermini tan-numru taʼ residenzi ġodda li jkunu ġew approvati.
Matul it-tielet kwart tal-2024, inħarġu 394 permess tal-bini għal total taʼ 1,744 residenza ġdida (Mappa nru 1 u Ċart nru 1). Meta mqabbel mal-istess perjodu tal-2023, in-numru taʼ permessi tal-bini żdied bi 2.6 fil-mija, filwaqt li n-numru taʼ residenzi ġodda approvati naqas bʼ4.5 fil-mija. Ir-residenzi ġodda approvati għal kull permess tal-bini kellhom medja taʼ 4.4 (Ċart nru 1).
Mappa nru 1. Numru taʼ residenzi ġodda approvati, bil-lokalità (LAU 2): K3/2024
Nota: Għajnsielem u Kemmuna huma kklassifikati bħala lokalità waħda. Madankollu, ma kienx hemm permessi għal bini fʼKemmuna.
It-Tip taʼ residenzi approvati
Il-maġġoranza tar-residenzi ġodda approvati fit-tielet kwart tal-2024 kienu appartamenti (1,199). Wara dawn, kien hemm il-penthouses (281), il-maisonettes (153), it-terraced houses (88) u unitajiet residenzjali oħrajn1 (23) (Tabella nru 1). L-appartamenti ammontaw għal 68.8 fil-mija tar-residenzi ġodda kollha approvati (Ċart nru 2).
1 Residenzi “Oħrajn” jinkludu bungalows, farmhouses u vilel.
Ċart nru 2. It-taqsim tar-residenzi ġodda approvati, bit-tip
Id-Distretti tar-residenzi ġodda approvati
Meta mqabbel mal-istess perjodu tal-2023, in-numru taʼ residenzi ġodda approvati fʼMalta naqas bi 8.1 fil-mija, filwaqt li dak fʼGħawdex u Kemmuna żdied bʼ14.3 fil-mija. L-ogħla numru taʼ residenzi ġodda approvati kien fid-Distrett tat-Tramuntana tal-Port (516), filwaqt li l-iżgħar numru kien fid-Distrett tal-Punent (184) (Tabella nru 2).
Il-Lokalitajiet tar-residenzi approvati
L-ogħla numru taʼ residenzi ġodda approvati nħareġ għal-lokalità taʼ Birkirkara (149). Wara, hemm San Pawl Il-Baħar (94), Ħal Tarxien (72), Iż-Żurrieq (68) u Ħal Qormi (67) (Ċart nru 3).
2 FʼĊart nru 3, qegħdin jidhru biss l-ewwel 35 lokalità. Il-lista sħiħa tal-lokalitajiet bin-numru taʼ residenzi ġodda approvati tidher fʼTabella nru 3.
Methodological Notes
