Il-Permessi għall-Bini Residenzjali: K4/2023
Permessi tal-bini residenzjali u residenzi approvati
Il-permessi tal-bini huma awtorizzazzjonijiet sabiex jinbdew proġetti ġodda taʼ bini. L-għan taʼ din l-istatistika huwa li juri l-iżvilupp li jkun ġej fil-kostruzzjoni fʼtermini tan-numru taʼ residenzi ġodda li jkunu ġew approvati.
Matul l-aħħar kwart tal-2023, inħarġu 321 permess tal-bini għal total taʼ 1,292 residenza ġdida (Ċart nru 1). Meta mqabblin mal-istess żmien tas-sena taʼ qabel, kien hemm tnaqqis taʼ 10.1 fil-mija fʼdawn il-permessi kif ukoll tnaqqis taʼ 37.4 fil-mija fin-numru taʼ residenzi ġodda approvati. Il-permessi mgħoddija kellhom medja taʼ 4.0 residenzi ġodda (Ċart nru 1).
Mappa nru 1. Numru taʼ residenzi ġodda approvati, bil-lokalità (LAU 2): K4/2023
Nota: Għajnsielem u Kemmuna huma kklassifikati bħala lokalità waħda. Madankollu, ma kienx hemm permessi għal bini fʼKemmuna.
Ċart nru 1. Il-Permessi għall-bini residenzjali u r-residenzi ġodda approvati, biż-żmien
It-Tip taʼ residenzi approvati
Il-biċċa l-kbira tar-residenzi approvati fir-rabaʼ kwart tal-2023 kienu appartamenti (859); warajhom kien hemm il-penthouses (216), il-meżonetti (125), it-terraced houses (76) u unitajiet residenzjali oħrajn1 (16) (Tabella nru 1). L-appartamenti ammontaw għal 66.5 fil-mija tar-residenzi ġodda kollha approvati (Ċart nru 2).
1 Residenzi “Oħrajn” jinkludu bangalows, farmhouses u vilel.
Ċart nru 2. It-taqsim tar-residenzi ġodda approvati, bit-tip
Id-Distretti tar-residenzi ġodda approvati
Meta mqabbel mal-istess perjodu tal-2022, in-numru taʼ residenzi ġodda approvati fʼMalta naqas bʼ34.1 fil-mija, mentri dak fʼGħawdex u fʼKemmuna naqas bʼ51.0 fil-mija. L-akbar numru taʼ residenzi ġodda approvati kien fid-Distrett tat-Tramuntana tal-Port (466), filwaqt li l-iżgħar numru kien fid-Distrett tan-Nofsinhar tal-Port (101) (Tabella nru 2).
Il-Lokalitajiet tar-residenzi approvati2
L-akbar numru taʼ residenzi ġodda ġew approvati fʼSan Ġwann (73). Warajhom, hemm dawk fʼSan Pawl il-Baħar (66), il-Ħamrun (64), in-Nadur (59) u ż-Żurrieq (59) (Ċart nru 3).
2 FʼĊart nru 3, qegħdin jidhru biss l-ewwel 35 lokalità. Il-lista sħiħa tal-lokalitajiet bin-numru taʼ residenzi ġodda approvati tidher fʼTabella nru 3.
Nota: It-totali jistgħu ma jgħoddux minħabba l-arrotondament.
Ċart nru 3. Ir-residenzi ġodda approvati, bil-lokalità
Methodological Notes
Il-Permessi għall-Bini Residenzjali: K4/2023
- Fir-rabaʼ kwart tal-2023, inħarġu 321 permess tal-bini għal total taʼ 1,292 residenza ġdida.
- Meta mqabbel mal-istess perjodu tas-sena taʼ qabel, in-numru taʼ residenzi ġodda approvati naqas bʼ37.4 fil-mija.
- L-appartamenti ammontaw għal 66.5 fil-mija tar-residenzi ġodda kollha approvati.
- L-akbar numru taʼ residenzi ġodda approvati (73) kien irreġistrat fʼSan Ġwann.
Il-Permessi għall-Bini Residenzjali: K4/2023
