Fir-rabaʼ kwart tal-2023, żaru Malta 82 vapur tal-kruċieri, żieda ta’ 21 meta mqabblin mal-istess perjodu taʼ sena qabel. Il-passiġġieri li għaddew minn Malta sabiex komplew il-vjaġġ tagħhom lejn xi mkien ieħor kienu jagħmlu l-maġġoranza assoluta tat-traffiku kollu, u laħqu l-162,230 (96.0 fil-mija). Bħala medja, kull bastiment li kien irmiġġat f’Malta ġarr 2,061 passiġġier, 364 aktar mis-sena ta’ qabel.
Il-passiġġieri mill-Istati Membri tal-UE kienu jgħoddu 51.8 fil-mija tat-traffiku totali. Is-swieq ewlenin kienu dak Taljan li laħaq 19.7 fil-mija tal-passiġġieri kollha, segwit minn dak Ġermaniż bʼ9.9 fil-mija tal-passiġġieri. L-għadd sħiħ ta’ passiġġieri minn pajjiżi mhux tal-UE laħaq il-81,486, li minnhom 20.7 fil-mija kienu ġejjin mir-Renju Unit u 40.4 fil-mija kienu ġejjin mill-Istati Uniti.
Il-passiġġieri nisa laħqu 53.6 fil-mija tat-total. L-akbar ammont taʼ passiġġieri kienu fl-età taʼ bejn is-60 u d-79 sena (35.4 fil-mija). Warajhom, kien hemm dawk li kellhom bejn l-40 u d-59 sena (33.5 fil-mija) (Tabella nru 1).
Jannar–Diċembru 2023
Matul l-2023, l-għadd sħiħ taʼ passiġġieri laħaq it-814,603, li 56.7 fil-mija minnhom kienu ġejjin minn pajjiżi tal-UE.
Il-biċċa l-kbira tal-passiġġieri kienu nisa u ammontaw għal 434,910, jew 53.4 fil-mija tat-total. Fost il-gruppi tal-età, l-akbar grupp taʼ passiġġieri kellhom bejn l-40 u d-59 sena, u laħqu l-285,645 (35.1 fil-mija). Warajhom, kien hemm il-passiġġieri li kellhom bejn is-60 u d-79 sena, li laħqu l-224,558 (27.6 fil-mija).
Is-sena li għaddiet, kien hemm 309 żjajjar taʼ vapuri tal-kruċieri, bʼmedja taʼ 2,636 passiġġier fʼkull waħda, apparagun tal-283 żjara u medja taʼ 1,730 passiġġier fʼkull waħda fl-istess perjodu tal-2022 (Tabella nru 2).
Ċart nru 1. L-għadd sħiħ taʼ passiġġieri tal-kruċieri
No Data Found
Methodological Notes
| Embarkations | 2021 | 2022 | 2023 |
|---|---|---|---|
| October-December | 2,184 | 6,742 | 6,608 |
| January-December | 8,057 | 71,244 | 103,650 |
- Cruise passenger traffic: comprises transit passengers and passengers who land in Malta.
- Embarkations: comprise all cruise passengers who are either Maltese or who are foreigners who arrive in Malta by other means of transport.
- Transit passengers: comprise all cruise passengers who arrive in and leave Malta on the same cruise ship.
- Landed passengers: comprise all cruise passengers who arrive in Malta on a cruise ship and leave by other means of transport, or alternatively, stay in Malta.
- Passengers staying overnight: comprise passengers who spend at least one night in the Maltese Islands, either onboard the cruise ship or on land.
- Average number of passengers per vessel: computed by dividing total cruise passenger traffic by the number of cruise liner calls.
7. A detailed news release calendar is available online.
8. References to this news release are to be cited appropriately. For guidance on access and re-use of data please visit our dedicated webpage.
9. For further assistance send your request through our online request form.
- Fir-raba’ kwart tal-2023, l-għadd sħiħ taʼ passiġġieri tal-vapuri tal-kruċieri kien taʼ 169,036, żieda taʼ 63.2 fil-mija meta mqabbel mal-istess perjodu s-sena taʼ qabel.
- Fl-istess perjodu, 82 vapur tal-kruċieri żaru pajjiżna, li huma żieda ta’ 21 meta mqabblin mal-istess żmien tas-sena taʼ qabel.
- L-Italja u l-Ġermanja kienu ż-żewġt iswieq ewlenin tal-istati membri tal-UE fir-raba’ kwart tal-2023.
- Fl-2023, l-għadd sħiħ taʼ passiġġieri tal-vapuri tal-kruċieri kien taʼ 814,603, żieda taʼ 66.4 fil-mija fuq is-sena taʼ qabel.
- Is-sena li għaddiet, 309 vapuri tal-kruċieri żaru pajjiżna. Dawn jiġu żieda ta’ 26 meta mqabblin mas-sena taʼ qabel.
