Stqarrijiet tal-aħbarijiet

Il-Bilanċ Fiskali u d-Dejn tal-Gvern Ġenerali taħt it-Trattat taʼ Maastricht: It-Tieni Rappurtar għall-2025

NR 189/2025
Data tal-Ħruġ: 21 taʼ Ottubru 2025

Maastricht,Treaty,Symbol,Icon,Illustration
  • Fl-2024, is-settur tal-Gvern Ġenerali rreġistra defiċit taʼ €811.9-il miljun, li jiġi daqs 3.5 fil-mija tal-PDG.
  • Fl-2024, id-dejn żdied bi €821.2 miljun fuq is-sena taʼ qabel, u kien ilaħħaq l-€10,647.4 miljun jew 46.2 fil-mija tal-PDG.
  • Saru aġġustamenti biex id-defiċit taʼ €432.7 miljun tal-Fond Konsolidat jgħaddi għal defiċit taʼ €811.9-il miljun tas-settur tal-Gvern Ġenerali bbażat fuq is-sistema tal-accruals.

Il-Bilanċ Fiskali u d-Dejn tal-Gvern Ġenerali taħt it-Trattat taʼ Maastricht: It-Tieni Rappurtar għall-2025

Il-Bilanċ Fiskali u d-Dejn tal-Gvern Ġenerali taħt it-Trattat taʼ Maastricht: It-Tieni Rappurtar għall-2025

NR 189/2025
Data tal-Ħruġ: 21 taʼ Ottubru 2025

Fl-2024, il-Gvern Ġenerali rreġistra defiċit taʼ €811.9-il miljun, li jiġi daqs 3.5 fil-mija tal-PDG. Id-dejn tal-Gvern Ġenerali laħaq l-€10,647.4 miljun jew 46.2 fil-mija tal-PDG.
Maastricht,Treaty,Symbol,Icon,Illustration

Il-Bilanċ Fiskali u d-Dejn tal-Gvern Ġenerali

Id-defiċit tal-Gvern Ġenerali għall-2024 kien taʼ €811.9-il miljun, li huwa titjib taʼ €115.0-il miljun fuq id-defiċit li kien irreġistrat fis-sena taʼ qabel. Id-defiċit huwa kkalkulat bħala d-differenza bejn id-dħul sħiħ (€7,833.6 miljun) u n-nefqa sħiħa (€8,645.5 miljun) tal-Gvern Ġenerali. Meta jkunu mqabbla l-2024 u l-2023, id-dħul sħiħ żdied bʼ€1,268.7 miljun, filwaqt li n-nefqa sħiħa żdiedet bʼ€1,153.7 miljun.

Tabella nru 1. L-aggregati ewlenin

2021 2022 2023 2024
Id-dħul tal-Gvern Ġenerali miljuni taʼ ewro 5,421.4 5,943.7 6,564.9 7,833.6
% tal-PDG 32.5 33.1 31.4 34.0
In-nefqa tal-Gvern Ġenerali miljuni taʼ ewro 6,582.0 6,903.1 7,491.9 8,645.5
% tal-PDG 39.4 38.4 35.8 37.5
Is-surplus (+) / id-defiċit (-) tal-Gvern Ġenerali miljuni taʼ ewro -1,160.6 -959.4 -926.9 -811.9
% tal-PDG -7.0 -5.3 -4.4 -3.5
Id-dejn tal-Gvern Ġenerali miljuni taʼ ewro 8,304.7 9,047.9 9,826.2 10,647.4
% tal-PDG 49.8 50.3 47.0 46.2

Bħala persentaġġ tal-PDG, il-bilanċ negattiv tal-Gvern Ġenerali kien taʼ 3.5 fil-mija, li huwa titjib taʼ 0.9 punti perċentwali meta mqabbel mad-defiċit taʼ 4.4 fil-mija li kien irreġistrat fl-2023.

Ċart nru 1. Il-bilanċ tal-Gvern Ġenerali bħala % tal-PDG

Id-dejn tal-Gvern Ġenerali żdied bi €821.2 miljun fuq l-2023 biex ammonta għal €10,647.4 miljun. Fl-2024, id-dejn bħala persentaġġ tal-PDG niżel għal 46.2 fil-mija mis-47.0 fil-mija rreġistrat fl-2023 (Tabella nru 1).

Ċart nru 2. Id-dejn tal-Gvern Ġenerali bħala % tal-PDG

Iċ-Ċifri tal-2024

Biex sar magħruf il-bilanċ negattiv taʼ €811.9-il miljun tas-settur tal-Gvern Ġenerali għall-2024, saru aġġustamenti fil-bilanċ tal-Fond Konsolidat tal-Gvern, li rreġistra defiċit taʼ €432.7 miljun, kif irrappurtat fl-istqarrija tal-aħbarijiet tal-NSO 054/2025. L-aġġustamenti huma meħtieġa għat-tranżizzjoni mill-Fond Konsolidat tal-Gvern għall-eżerċizzju li huwa bbażat fuq id-dovuti (accruals) u li huwa kkompilat skont il-metodoloġija stabbilita. L-aġġustamenti jqisu wkoll kemm l-Entitajiet Barra mill-Estimi1 (EBUs), li huma kklassifikati fis-settur tal-Gvern Ġenerali, kif ukoll is-settur tal-Gvern Lokali. Tabella nru 3 tfiehem it-tranżizzjoni mill-Fond Konsolidat għas-settur tal-Gvern Ġenerali.

L-akbar aġġustament negattiv kien jikkonċerna t-tranżazzjonijiet fi flus kontanti aġġustati għaż-żmien meta ġew effetwati (€212.1-il miljun) u Kontijiet oħra rċevuti u mħallsa li ammontaw għal €196.9 miljun, u li fost ħwejjeġ oħra jinkludu ċ-ċifri tal-accruals tad-Dipartiment tat-Teżor, l-aġġustamenti tan-newtralizzazzjoni tal-Fondi tal-UE u l-posponimenti tat-taxxi minħabba l-Covid-19. Aġġustamenti oħra negattivi kienu l-investimenti ta’ flus ikklassifikati bħala trasferimenti kapitali (€156.0 miljun), il-flussi tal-Clearance Funds tat-Teżor (TCF) fi tranżazzjonijiet mhux finanzjarji (€27.3 miljun), it-tranżazzjonijiet li ġew meqjusa bħala parti mis-settur tal-Gvern Ġenerali u l-ftehimiet għas-sħubiji bejn il-Gvern u l-privat (PPP) (€10.4 miljuni), ir-reġistrazzjoni taʼ Krediti tat-taxxa pagabbli (€5.1 miljuni) u  defiċit aggregat taʼ €3.5 miljuni tal-Gvern Lokali.

L-aġġustamenti pożittivi ewlenin kienu ż-żieda fis-surplus irreġistrata mill-EBUs, li kienet taʼ €191.9 miljun, li fissret żieda taʼ €88.8 miljun fuq l-2023. Żidiet oħra kienu d-differenza bejn l-imgħax imħallas u dovut (€8.8 miljuni) u l-imgħax irċevut mis-sinking fund (€7.7 miljuni) (Tabella nru 3).

Rappurtar u aġġornamenti

Fit-30 taʼ Settembru 2025, Malta ssottomettiet il-livelli tad-defiċit u d-dejn tal-Gvern għas-snin 2021-2024, bħala parti mill-Proċedura tan-Notifikazzjoni tad-Defiċit Eċċessiv (EDP). Dan sar skont ir-Regolament tal-Kunsill (RK) Nru 479/2009, kif emendat mir-Regolament tal-Kummissjoni (UE) Nru 220/2014.

Meta mqabbel mas-sottomissjoni taʼ qabel, li kienet saret fit-28 taʼ Marzu 2024, id-defiċit tal-Gvern Ġenerali kien rivedut ʼil fuq għas-sena 2022, u rivedut ʼl isfel għas-snin 2023 u 2024. Għall-2022, bidliet fil-kategorija taʼ Kontijiet oħra rċevuti u mħallsa kellhom impatt negattiv ta’ €6.8 miljuni, filwaqt li l-aġġornamenti mir-rapporti finanzjarji awditjati għall-EBUs wasslu għal impatt pożittiv ta’ €1.9 miljun.

Għall-2023 u l-2024, ir-reviżjonijiet jirriflettu l-aktar it-tibdil fil-kategorija ta’ Kontijiet oħra rċevuti u mħallsa, li kellhom impatt pożittiv fuq il-bilanċ fiskali kemm fl-2023 kif ukoll fl-2024, li ammontaw għal €36.8 miljun u €12.7-il miljun, rispettivament. Fl-2023, il-kategorija ‘Oħrajn’ ikkontribwiet b’mod pożittiv, u tejbet il-bilanċ fiskali bi €15.8-il miljun. Barra minn hekk, id-disponibbiltà ta’ rapporti finanzjarji awditjati għall-EBUs u l-kunsilli lokali wasslet kemm għal reviżjoni ’l fuq ta’ €7.9 miljuni fil-bilanċ fiskali tal-2023 kif ukoll għal reviżjoni ’l isfel ta’ €15.3-il miljun fil-bilanċ fiskali tal-2024.

Ir-reviżjonijiet fid-Dejn tal-Gvern Ġenerali saru minħabba d-disponibbiltà tal-kontijiet awditjati tal-EBUs u l-Gvern Lokali. Bʼriżultat taʼ dan, iċ-ċifri tad-Dejn ġew riveduti ʼl isfel bʼ€0.6 miljuni għall-2021, bʼ€4.4 miljuni għall-2022, bʼ€4.5 miljuni għall-2023 u bʼ€1.0 miljun għall-2024.

Aġġustamenti fl-istock-flow (SFA)

L-SFA, li huwa wkoll magħruf bħala l-aġġustament tad-defiċit u d-dejn, jaqbad dawk it-tranżazzjonijiet jew fatturi li jaffettwaw id-dejn tal-Gvern imma li ma jkunux jidhru fil-bilanċ fiskali tal-Gvern. Fl-2024, l-SFA kien newtrali billi ammonta għall-0.0 fil-mija tal-PDG, li juri li l-bidla fid-dejn tal-Gvern għall-3.6 fil-mija tal-PDG taqbel ħafna mad-defiċit tal-Gvern, li kien taʼ 3.5 fil-mija tal-PDG. L-SFA newtrali kien ġej minn movimenti li bbilanċjaw lil xulxin, bi tnaqqis fʼKontijiet oħra rċevuti u mħallsa (1.2 fil-mija tal-PDG) u fiż-żamma tal-Munita u d-Depożiti (0.4 fil-mija tal-PDG), li kien ibbalanċjat l-aktar bʼżidiet fl-Ishma fʼfondi taʼ investiment (1.1 fil-mija tal-PDG) u fiż-żamma taʼ Titoli tad-Dejn (0.8 fil-mija tal-PDG) (Tabella nru 4).

Aktar Tagħrif

Fʼdin l-istqarrija, id-data hija ppreżentata fuq il-bażi tad-dovuti, bʼkuntrast mal-istqarrijiet taʼ kull xahar dwar iċ-ċifri tal-finanzi tal-Gvern, li jirriflettu l-Fond Konsolidat tal-Gvern ippreżentati fuq il-bażi tal-ħlas. Dan l-eżerċizzju huwa kkompilat skont il-Manwal dwar id-Defiċit u d-Dejn tal-Gvern u Is-Sistema Ewropea tal-Kontijiet Nazzjonali (ESA) 2010 (l-edizzjoni tal-2023). Hija tkopri s-settur tal-Gvern Ġenerali, li jinkludi fih l-Gvern Lokali, l-Entitajiet Barra mill-Estimi, u l-Gvern Ċentrali li għandu xʼjaqsam mal-estimi. Huma inklużi wkoll kontijiet oħra tal-Gvern, bħall-Clearance Fund tat-Teżor u s-Sinking Fund, flimkien mal-Fond Konsolidat. Tranżazzjonijiet finanzjarji huma esklużi, u aġġustamenti oħra fuq il-bażi tad-dovuti huma inklużi.

It-Tabelli tan-notifika uffiċjali tal-EDP li kienu mgħoddija lill-Kummissjoni Ewropea jinstabu fit-tabelli tal-Excel.

Id-data tal-Fond Konsolidat tal-Gvern jinstabu hawn: https://nso.gov.mt/mt/il-finanzi-pubblici/

Aktar tagħrif, kemm dwar il-kategoriji tad-dħul u n-nefqa kif ukoll dwar l-assi u l-obbligazzjonijiet finanzjarji u d-dejn, ħareġ illum fl-Istqarrija dwar ‘Il-Kontijiet taʼ Kull Tliet Xhur tas-Settur tal-Gvern Ġenerali: K2/2025’. Din tinstab hawn: https://nso.gov.mt/mt/il-finanzi-pubblici/

L-Inventarju Konsolidat tas-Sorsi u l-Metodi tal-EDP fl-ESA 2010 jinsab fis-sit elettroniku tal-NSO. Id-dokument jistaʼ jintlaħaq minn hawn: https://nso.gov.mt/mt/themes_sources___met/il-bilanc-fiskali-u-d-dejn-tal-gvern-generali-taht-it-trattat-ta%ca%bc-maastricht/

1 Tabella nru 5 tinkludi lista ta’ EBUs li kienu jagħmlu sehem mis-settur tal-Gvern Ġenerali fil-31 ta’ Diċembru 2024. 

Tables

Tables

Table 2. General Government balance and debt data

Table 3. Transition between Consolidated Fund and General Government sector

Table 4. Composition of stock flow adjustment

Table 5. Extra Budgetary Units as at 31 December 2024 

EDP Table 1. Reporting of government surplus/deficit and debt levels and provision of associated data 

EDP Table 2A. Provision of the data which explain the transition between the public accounts budget balance and the central government surplus/deficit 

EDP Table 2C. Provision of the data which explain the transition between the working balance and the local government surplus/deficit 

EDP Table 3A. Provision of the data which explain the contributions of the surplus/deficit and the other relevant factors to the variation in the debt level (general government) 

EDP Table 3B. Provision of the data which explain the contributions of the surplus/deficit and the other relevant factors to the variation in the debt level and the consolidation of debt (central government) 

EDP Table 3D. Provision of the data which explain the contributions of the surplus/deficit and the other relevant factors to the variation in the debt level and the consolidation of debt (local government) 

EDP Table 4. Provision of other data in accordance with the statements contained in the Council minutes of 22/11/1993 

All Tables

Methodological Notes

1. Within the context of the Excessive Deficit Procedure (EDP) compilation, Government is taken to mean the General Government (S.13 sector according to the ESA 2010 definitions). This includes the Budgetary Central Government made up of Government ministries and departments, the Extra Budgetary Units (EBUs) which are classified as forming part of this sector, as well as all the Local Councils.
 
2. This release presents Government deficit and debt worked out in line with the procedure defined in the Maastricht Treaty (Article 104). The basic conceptual reference framework for this exercise is the ESA 2010 Manual on Government Deficit and Debt (2022 edition); which is in turn based on the European System of National and Regional Accounts (ESA 2010). This compliance with the reference framework allows for the international comparability of the data.
 
3. Article 104 of the Maastricht Treaty requires Member States to avoid excessive government deficits. In this respect the Commission monitors the development of the budgetary situation and of the stock of government debt. A protocol of the Maastricht Treaty specifies the reference percentages for general government deficit (which should not exceed 3 per cent of GDP), and for the gross nominal consolidated debt (which should not exceed 60 per cent of GDP).
 
4. The Stock Flow Adjustment (SFA) is the difference between the change in the stock of Government debt and the flow of annual Government deficit/surplus. Deficits normally contribute to an increase in debt levels, while surpluses reduce them. However, the change in government debt also reflects other elements which do not appear in the surplus/deficit figures.
 
5. The data contained in this release may be revised. Figures may not add up due to rounding.
 
6. More information relating to this news release may be accessed at:
 
7. References to this news release are to be cited appropriately. For guidance on access and re-use of data please visit our dedicated webpage.
 
8. A detailed news release calendar is available online.
 
9.  For further assistance send your request through our online request form.
 
Subscribe for Statistical Updates

Il-Finanzi Pubbliċi

Stqarrijiet tal-Aħbarijiet Oħra

Temi Oħra Relatati

  • Il-Ħarsien Soċjali
  • Il-Kontijiet Nazzjonali

    • Għal mistoqsijiet ikkuntattja:

    [email protected]


    Għal aktar data, jekk jogħġbok żur:

    L-Indikaturi Magħżula
      NSO

    Lascaris
    Il-Belt Valletta VLT 2000
    Malta
    +356 25997000

     
     
    L-Uffiċċju
    Klijent
    Legali
     
    Abbona fin-Newsletter tagħna
    ABBONA
    Kalkulatur tal-Inflazzjoni Kalendarju tal-Istqarrijiet tal-Aħbarijiet Talbiet għat-Tagħrif Mistoqsijiet dwar il-Kodiċi tan-NACE
    Skip to content