Punti Prinċipali
- L-għadd taʼ talbiet għall-Benefiċċju relatati mal-aċċidenti mhux fatali fuq ix-xogħol naqas bi ftit fl-ewwel nofs tal-2026 meta mqabblin mal-istess perjodu tal-2025.
- Madwar kwart taʼ dawk li weġġgħu fʼaċċidenti mhux fatali għamlu bejn sebat ijiem u tlettax-il jum neqsin mix-xogħol.
- L-akbar għadd taʼ aċċidenti mhux fatali rrappurtati kien jolqot ħaddiema fʼimpjiegi elementari.
- Iżjed minn 60 fil-mija taʼ dawk involuti fʼaċċidenti mhux fatali rrappurtati kienu Maltin.
- Kienu rrappurtati tlitt imwiet fuq ix-xogħol fl-ewwel nofs tal-2026.
Kummentarju
Aċċidenti mhux fatali
Rekords amministrattivi juru li kienu rrappurtati 1,015-il aċċident mhux fatali fuq il-post tax-xogħol fl-ewwel sitt xhur tal-2026.
L-akbar għadd taʼ dawn l-aċċidenti kien fil-qasam tal-Kostruzzjoni, bi 15.3 fil-mija tagħhom. Wara, kien hemm l-Attivitajiet taʼ servizz amministrattiv u taʼ sostenn, bi 13.2 fil-mija. Barra minn hekk, kien hemm 118-il każ (11.6 fil-mija) fil-Manifattura u 110 każijiet (10.8 fil-mija) fl-Attivitajiet tas-saħħa tal-bniedem u ħidma soċjali (Tabella nru 1). Iżjed minn 25 fil-mija taʼ dawk involuti kienu neqsin mix-xogħol għal perjodu li jvarja bejn sebat ijiem u tlettax-il jum (Tabella nru 2).
Fil-perjodu taʼ riferenza, l-akbar għadd taʼ aċċidenti fuq il-postijiet tax-xogħol kien jolqot ħaddiema fʼimpjiegi elementari, bi 305 każijiet jew 30.0 fil-mija tal-aċċidenti kollha. Warajhom, kien hemm il-ħaddiema tas-sengħa, bʼ191 każ jew 18.8 fil-mija tal-aċċidenti (Tabella nru 3). Persuni fl-età taʼ bejn il-25 u l-44 sena kienu jgħoddu iżjed minn nofs l-aċċidenti fiż-żmien taʼ riferenza (Tabella nru 4). Iżjed minn 60.0 fil-mija tal-persuni fʼaċċidenti mhux fatali kienu Maltin (Tabella nru 5).
Kważi terz tal-korrimenti fuq ix-xogħol (33.0 fil-mija jew 335 każ) kienu jaffettwaw id-dahar, inkluż is-sinsla tad-dahar u l-għadam tagħha (Tabella nru 6). Il-ġrieħi u l-korrimenti superfiċjali (64.8 fil-mija jew 658 każ), u t-tfekkik (25.2 fil-mija jew 256 każ) kienu l-aktar tipi komuni taʼ korrimenti (Tabella nru 7).
Fiż-żmien taʼ riferenza, 23.3 fil-mija tal-aċċidenti fuq ix-xogħol irrappurtati seħħew f’intrapriżi b’500 ħaddiem jew iżjed, filwaqt li 22.0 fil-mija ġraw fʼintrapriżi li jħaddmu minn 50 sa 249 ħaddiem (Tabella nru 9).
L-aħħar data annwali li hemm turi li fl-2025 kienu rrappurtati 640 aċċident mhux fatali għal kull 100,000 persuna li taħdem. L-ogħla rata taʼ inċidenza standardizzata tʼaċċidenti mhux fatali kienet fil-qasam tal-Kostruzzjoni, filwaqt li warajha kien hemm il-Manifattura (Tabella nru 11).
Aċċidenti fatali
Minn Jannar sa Ġunju 2026, l-Awtorità dwar is-Saħħa u s-Sigurtà fuq il-Post tax-Xogħol (OHSA) irrappurtat tlitt imwiet fuq ix-xogħol (Tabelli nri 12-14). Fl-2025, ir-rata ta’ inċidenza tʼaċċidenti fatali fuq il-post tax-xogħol kienet ta’ 2.7 għal kull 100,000 persuna li taħdem (Tabella nru 15).
Tables
Non-fatal accidents at work
- xlsx Table 1. Non-fatal accidents at work by sex and economic activity of enterprise 26.64 KB
- xlsx Table 2. Non-fatal accidents at work by days absent from work and economic activity of enterprise 27.26 KB
- xlsx Table 3. Non-fatal accidents at work by sex and occupation of victim 22.82 KB
- xlsx Table 4. Non-fatal accidents at work by sex and age group of victim 21.46 KB
- xlsx Table 5. Non-fatal accidents at work by sex and nationality 21.61 KB
- xlsx Table 6. Non-fatal accidents at work by sex and part of body injured 24.52 KB
- xlsx Table 7. Non-fatal accidents at work by sex and type of injury 24.88 KB
- xlsx Table 8. Non-fatal accidents at work by sex and district of enterprise 22.26 KB
- xlsx Table 9. Non-fatal accidents by sex and enterprise size 22.71 KB
- xlsx Table 10. Non-fatal accidents by sex and employment status of victim 20.87 KB
- xlsx Table 11. Standardised non-fatal accidents at work by economic activity of enterprise 23.42 KB
Fatal accidents at work
- xlsx Table 12. Number of fatal accidents at work by main socio-demographic characteristics 21.83 KB
- xlsx Table 13. Number of fatal accidents at work by size and by economic activity of enterprise involved 21.46 KB
- xlsx Table 14. Number of fatal accidents at work by district of the accident, part of body injured, and type of injury 20.67 KB
- xlsx Table 15. Fatal occupational injuries per 100,000 workers - Incidence rates 18.76 KB
- xlsx All Tables 97.13 KB
