L-Aċċidenti tat-Traffiku: K3/2024
L-għadd taʼ aċċidenti tat-traffiku rrappurtati tul it-tielet kwart tal-2024 laħaq l-4,395, li huwa żieda taʼ 1.0 fil-mija fuq l-istess żmien tal-2023. L-akbar numru taʼ aċċidenti kienu rreġistrati fid-distrett tat-Tramuntana tal-Port bʼ1,506 każijiet jew 34.3 fil-mija tal-aċċidenti kollha (Tabella nru 1).
It-tidrib fl-aċċidenti tat-traffiku naqas bʼ9.1 fil-mija sabiex niżel għal 388 meta mqabbel mal-istess perjodu tal-2023. Il-persuni midrubin gravi ammontaw għal 97 u kienu jinvolvu 62 sewwieq, 12-il passiġġier u 23 persuna miexja/bir-rota/oħrajn. Il-ġrieħi mġarrbin minn tliet sewwieqa, passiġġier u persuna miexja kienu fatali (Tabelli nri 4-6). Bʼhekk, l-għadd taʼ mwiet fl-aċċidenti tat-traffiku żdied bʼerbgħa fuq l-istess perjodu tal-2023 (Ċart nru 1).
L-akbar għadd taʼ dawk li ndarbu gravi kienu rġiel (70.1 fil-mija). Barra minn hekk, il-persuni li mietu fʼaċċidenti tat-traffiku kienu tliet rġiel u żewġ nisa. 37.9 fil-mija tat-tidrib kien jinvolvi persuni taʼ bejn is-26 u l-40 sena (Ċart nru 2 u Tabella nru 5).
Ċart nru 1. L-aċċidenti tat-traffiku u l-imwiet, biż-żmien
No Data Found
L-akbar għadd taʼ tidrib mill-aċċidenti tat-traffiku (48.5 fil-mija) kien jinvolvi karrozzi tal-passiġġieri. Warajhom, ġew dawk li kienu jinvolvu l-muturi (38.9 fil-mija) u l-vetturi tal-ġarr tal-merkanzija (5.2 fil-mija). Il-fatalitajiet li seħħew fʼaċċidenti tat-traffiku involvew sewwieq li ħabat maʼ vettura oħra, żewġ sewwieqa u passiġġier li ħabtu maʼ proprjetà u persuna miexja li ntlaqtet minn vettura. L-għadd taʼ ċiklisti li kienu involuti fʼaċċidenti tat-traffiku laħaq tmienja, bʼwieħed minnhom iġarrab ġrieħi gravi, sitta jindarbu ħafif u wieħed iġarrab ġrieħi insinifikanti (Tabelli nri 6 u 7). It-tidrib ikkaġunat minn ħbit bejn vetturi kien l-aktar tip taʼ tidrib komuni; 67.0 fil-mija tat-tidrib kollu li seħħ f’dawn l-aċċidenti tat-traffiku (Tabella nru 7).
L-akbar għadd taʼ tidrib mill-aċċidenti tat-traffiku ġara fil-jum tal-Ħamis bʼ71 tidriba, filwaqt li l-akbar għadd taʼ aċċidenti ġara fil-jum tat-Tnejn bʼ709 każijiet jew 16.1 fil-mija tat-total (Tabella nru 8). Il-maġġoranza tal-aċċidenti tat-traffiku seħħew bejn 12:00 u 14:59 bʼ1,055 każ jew 24.0 fil-mija tat-total; segwiti minn dawk li ġraw bejn 09:00 u 11:59 bʼ990 każ. L-inqas għadd taʼ aċċidenti ġraw bejn 03:00 u 05:59 bi 63 każ (Tabella nru 9).
L-ogħla inċidenza tʼaċċidenti tat-traffiku kienet irreġistrata fʼBirkirkara bʼ281 każ, segwita minn Ħal Qormi u San Pawl Il-Baħar, bʼ273 u bʼ261 każ rispettivament (Tabella nru 10, Mappa nru 1 u Ċart nru 5).
Il-Fontana, Ix-Xgħajra u San Lawrenz irreġistraw anqas minn ħames aċċidenti tat-traffiku. (Mappa nru 1 u Tabella nru 10).
Mappa nru 1. L-aċċidenti tat-traffiku bil-lokalità: Lulju-Settembru 2024
Meta mqabblin mal-istess żmien tas-sena taʼ qabel, id-distretti kollha rrapurtaw tnaqqis fl-aċċidenti tat-traffiku barra mid-distretti tan-Nofsinhar tal-Port u tax-Xlokk, li rrapportaw żieda. Id-distrett tax-Xlokk irreġistra l-ogħla żieda fil-persentaġġ tal-aċċidenti tat-traffiku bi 13.7 fil-mija, filwaqt li d-distrett taʼ Għawdex u Kemmuna rreġistra l-ogħla tnaqqis fil-persentaġġ bʼ6.0 fil-mija (Tabella nru 1 u Mappa nru 2).
Mappa nru 2. It-tibdil perċentwali fl-aċċidenti tat-traffiku bid-distrett: Lulju-Settembru 2024/2023
Nota: Fid-distrett tal-Punent, it-tnaqqis perċentwali fl-aċċidenti tat-traffiku kien negliġibbli.
Additional Tables and Charts
Tables
Chart 2. Road traffic casualties by age group and gender
July-September 2024
No Data Found