Il-Punti ewlenin
- Fl-2025, 3,843 persuna rrapportaw li għaddew minn vjolenza domestika jew użaw servizzi li hemm fʼdan il-qasam.
- Mill-persuni li għamlu użu minn servizzi għal dawk għaddejjin minn vjolenza domestika, 74.0 fil-mija kienu nisa.
- Matul l-2025, 622 persuna użaw servizzi li hemm għall-aggressuri, li 93.1 fil-mija minnhom kienu rġiel.
Il-Kummentarju
Fl-2025, ftit inqas minn tliet kwarti tal-persuni li kienu qegħdin jagħmlu użu mis-servizzi taʼ għajnuna għall-vjolenza domestika kienu nisa (74.0 fil-mija), filwaqt li 26.0 fil-mija kienu rġiel. Il-biċċa l-kbira tagħhom (55.4 fil-mija) użaw xi servizz minnhom, kien xʼkien, darba biss, 23.8 fil-mija użaw servizz wieħed jew aktar għal darbtejn, u 20.8 fil-mija użaw servizz wieħed jew aktar għal tliet darbiet jew aktar. 45.9 fil-mija tan-nisa użaw servizz minnhom, kien xʼkien, aktar minn darba, meta mqabblin ma’ 40.9 fil-mija tal-irġiel (Tabella nru 1, Ċart nru 1).
Noti:
- Iċ-ċifri jirreferu għall-għadd kollu taʼ persuni individwali li kienu qegħdin jużaw is-servizzi matul iż-żmien taʼ riferenza (ara Tabella nru 1, u noti nri 3 u 6 fil-metodoloġija).
- Is-Servizzi inklużi: Dar Emmaus, Dar Merħba Bik, Dar Santa Bakhita, it-Taqsima tal-Vjolenza Domestika (DVU) (Aġenzija Appoġġ), is-Servizzi tas-Saħħa tal-Emerġenza (A&E), Għabex, Il-Milja, il-Korp tal-Pulizija, id-Dipartiment tal-Kura Primarja, Victim Support Agency, u Victim Support Malta.
Tabella nru 2 tagħti tagħrif dwar il-każijiet irreġistrati maʼ entitajiet li jipprovdu s-servizzi varji fʼdan il-qasam. Il-każijiet magħdudin fi ħdan u bejn is-servizzi jistgħu jinvolvu lill-istess persuna għal aktar minn darba. Fl-2025, kienu rreġistrati bʼkollox 6,946 każ mal-entitajiet varji li jagħtu s-servizzi lill-persuni li kienu qegħdin iġarrbu l-vjolenza domestika. Fl-2025, bħas-snin taʼ qabel, is-servizzi ewlenin użati mill-persuni li kienu qegħdin iġarrbu l-vjolenza domestika kienu t-Taqsima tal-Vjolenza Domestika (DVU) fi ħdan l-Aġenzija Appoġġ (2,913-il każ reġistrat) u l-Korp tal-Pulizija, li rċieva 2,357 rapport fis-sena taʼ riferenza (Tabella nru 2).
Id-distrett tan-Nofsinhar tal-Port irreġistra l-akbar użu tas-servizzi offruti mit-Taqsima tal-Vjolenza Domestika, bi 11.7-il utent tas-servizz mara għal kull 1,000 resident mara u bi 2.8 utenti tas-servizz irġiel għal kull 1,000 resident raġel. Dan id-distrett irreġistra wkoll l-ogħla rata ta’ rapporti ta’ vjolenza domestika mal-Korp tal-Pulizija, b’9.4 rapporti minn nisa għal kull 1,000 resident mara u bi 3.3 rapporti minn irġiel għal kull 1,000 resident raġel. B’kuntrast, id-distrett t’Għawdex u Kemmuna rrapporta l-iżgħar rati ta’ dawk li jużaw is-servizz tal-Aġenzija Appoġġ għal kull 1,000 resident. Kemm id-distrett t’Għawdex u Kemmuna kif ukoll id-distrett tat-Tramuntana tal-Port kellhom l-aktar rati baxxi ta’ rapporti ta’ vjolenza domestika rreġistrati mal-Korp tal-Pulizija għal kull 1,000 resident (Mappa 1 u Mappa 2).
Mappa nru 1. L-għadd ta’ każijiet individwali rreġistrati mat-Taqsima tal-Vjolenza Domestika tal-Aġenzija Appoġġ, bid-distrett tar-residenza ta’ dawk li użaw is-servizz (rata għal kull 1,000 persuna residenti)
Mappa nru 2. L-għadd ta’ każijiet individwali rreġistrati mal-Korp tal-Pulizija ta’ Malta, bid-distrett tal-inċident (rata għal kull 1,000 persuna residenti)
Noti:
- Każijiet individwali huma rreġistrati mill-fornitur tas-servizz kull darba li persuna taċċessa s-servizz matul fis-sena ta’ riferenza. Għalhekk, iċ-ċifri jinkludu persuni li jagħmlu użu mis-servizzi aktar minn darba.
- Id-data rreġistrata mit-Taqsima tal-Vjolenza Domestika tal-Aġenzija Appoġġ tinkludi d-distrett ta’ residenza tal-utent tas-servizz.
- Id-data rreġistrata mid-Dipartiment tal-Pulizija tinkludi d-distrett tal-inċident irrappurtat.
- Ir-rati huma msejsin fuq stimi tal-popolazzjoni ta’ nofs is-sena li jistgħu jkunu riveduti.
¹Is-servizzi tas-saħħa jinkludu ċ-ċentri tas-saħħa u l-bereġ tad-Dipartiment tal-Kura Primarja, u d-dipartimenti tal-emerġenza tal-Isptar Mater Dei u tal-Isptar Ġenerali taʼ Għawdex.
2 Ix-xelters jinkludu Dar Emmaus, Dar Merħba Bik, Dar Santa Bakhita, Għabex, u Il-Milja. Ara nota nru 1 tal-metodoloġija.
Nota: Każijiet individwali jiġu rreġistrati mill-fornitur tas-servizz kull darba li persuna taċċessa s-servizz matul is-sena ta’ riferenza. Għalhekk iċ-ċifri jinkludu persuni li jagħmlu użu mis-servizzi aktar minn darba.
Tabella nru 3 taqsam il-każijiet irreġistrati maʼ entitajiet li jipprovdu s-servizzi tal-vjolenza domestika bil-gruppi tal-età taʼ dawk li jkunu użaw is-servizz. Fl-2025, 28.5 fil-mija tal-każijiet kollha rreġistrati mas-servizzi varji kienu jinvolvu persuni li kellhom bejn it-30 u d-39 sena, filwaqt li 24.1 fil-mija tal-każijiet kienu jinvolvu persuni taʼ 50 sena u aktar (Tabella nru 3, Ċart nru 2).
Il-biċċa l-kbira jew 82.0 fil-mija, kienu jinvolvu persuni taʼ nazzjonalità Maltija (Tabella nru 4). Is-servizzi bl-akbar għadd taʼ utenti barranin kienu x-xelters tal-vjolenza domestika bi 42.1 fil-mija, u Victim Support Malta bʼ24.2 fil-mija (Ċart nru 3).
1 Is-servizzi tas-saħħa jinkludu ċ-ċentri tas-saħħa u l-bereġ tad-Dipartiment tal-Kura Primarja, u d-dipartimenti tal-emerġenza tal-Isptar Mater Dei u tal-Isptar Ġenerali taʼ Għawdex.
2 Ix-xelters jinkludu Dar Emmaus, Dar Merħba Bik, Dar Santa Bakhita, Għabex u Il-Milja. Ara nota nru 1 fil-metodoloġija.
Nota: Il-każijiet individwali huma rreġistrati mal-entitajiet li jipprovdu s-servizz kull darba li xi ħadd jidħol fis-servizz matul is-sena taʼ riferenza. Għaldaqstant, iċ-ċifri jinkludu persuni li jkunu użaw is-servizzi aktar minn darba.
Tabella nru 5 turi t-tipi ta’ vjolenza rrapportati f’każijiet irreġistrati mas-servizzi ta’ vjolenza domestika, bl-utenti jkunu jistgħu jirrapportaw aktar minn tip wieħed ta’ vjolenza, ħlief għal rapporti rreġistrati mal-Korp tal-Pulizija ta’ Malta. Kważi tliet kwarti tal-każijiet (72.8 fil-mija) irrappurtati mill-fornituri differenti tas-servizzi kienu jinvolvu vjolenza psikoloġika, filwaqt li 45.7 fil-mija kienu jinvolvu vjolenza fiżika. 10.6 fil-mija tal-każijiet kollha rrapportati kienu jinvolvu vjolenza sesswali, ekonomika, u/jew forma oħra ta’ vjolenza (Tabella nru 5).
Din l-istqarrija tal-aħbarijiet tittratta wkoll is-servizzi mmirati lejn l-aggressuri tal-vjolenza domestika. Iċ-ċifri tal-2025 jinkludu l-programm ‘Stop!’ u s-servizz ‘Child to Parent Violence’, li t-tnejn li huma mogħtijin mill-Aġenzija Appoġġ, id-Dipartiment tal-Probation u l-Parole, u l-Aġenzija għas-Servizzi Korrettivi. Il-biċċa l-kbira ta’ dawk li użaw dawn is-servizzi kienu rġiel, bi ‘Stop!’, id-Dipartiment tal-Probation u l-Parole, u l-Aġenzija għas-Servizzi Korrettivi jirreġistraw aktar minn 93 fil-mija tal-utenti tas-servizz tagħhom bħala rġiel. Is-servizz taċ-‘Child to Parent Violence’ ra l-akbar numru ta’ utenti nisa tas-servizz bi ftit anqas minn kwart (21.9 fil-mija). Ħarsa lejn l-għadd waħdani ta’ persuni li għamlu użu mis-servizzi mmirati lejn l-aggressuri, kienu x’kienu, turi li 622 individwu użaw servizz wieħed jew aktar matul l-2025 (Tabella nru 6, Ċart nru 4).
Nota: Iċ-ċifri totali jirrappreżentaw l-għadd ta’ persuni individwali rreġistrati fis-servizz rispettiv, u għalhekk, il-persuni li jaċċessaw servizzi differenti jintgħaddu aktar minn darba.
Tables
- xlsx Table 1. Number of persons using domestic violence services by sex and frequency of service used 16.45 KB
- xlsx Table 2. Number of individual cases registered with the Malta Police Force and domestic violence service providers by service and sex of service user 49.65 KB
- xlsx Table 3. Number of individual cases registered with the Malta Police Force and domestic violence service providers by service and age group of service user 51.31 KB
- xlsx Table 4. Number of individual cases registered with the Malta Police Force and domestic violence service providers by service and broad citizenship of service user 48.91 KB
- xlsx Table 5. Number of individual cases registered with the Malta Police Force and domestic violence service providers by service and type of violence reported 14.45 KB
- xlsx Table 6. Number of persons registered with services for perpetrators of domestic violence by age group, sex, broad citizenship, and type of violence of service user 16.74 KB
- xlsx All Tables 72.57 KB
Methodological Notes
• Police reports (Map 2): Number of cases registered by location where incident occurred per 1,000 mid-year resident population.
Data from 2023 onwards include the Victim Support Agency (VSA) as a new service, and improved coverage of accompanying minors using shelter services.
• These changes improve the data coverage but create breaks in series in 2023 and 2025. Consequently, changes between affected years may reflect both actual changes in service use and changes in data coverage and should not be interprted as stricly like-for-like comparisons.
