L-Aċċidenti fuq ix-Xogħol: Lulju-Diċembru 2025
- L-għadd taʼ talbiet għall-Benefiċċju relatati mal-aċċidenti mhux fatali fuq ix-xogħol naqas bi ftit fit-tieni nofs tal-2025 meta mqabblin mal-istess perjodu tal-2024.
- Kważi 30 fil-mija taʼ dawk li weġġgħu kienu neqsin mix-xogħol għal perjodu li jvarja bejn sebat ijiem u tlettax-il jum.
- Il-biċċa l-kbira taʼ dawn l-aċċidenti kienu jolqtu ħaddiema fʼimpjiegi elementari.
- Kważi 70 fil-mija taʼ dawk involuti fʼaċċidenti mhux fatali kienu Maltin.
- Fit-tieni nofs tal-2025 kienu rrappurtati ħamest imwiet fuq ix-xogħol.
L-Aċċidenti fuq ix-Xogħol: Lulju-Diċembru 2025
L-Aċċidenti fuq ix-Xogħol: Lulju-Diċembru 2025
Aċċidenti mhux fatali
Rekords amministrattivi juru li, fit-tieni nofs tal-2025, kienu rrappurtati 1,073 aċċident mhux fatali fuq il-post tax-xogħol.
L-akbar għadd taʼ dawn l-aċċidenti kien fil-qasam tal-kostruzzjoni, bi 15.5 fil-mija tagħhom. Wara, kien hemm il-manifattura, bʼ14.4 fil-mija. Barra minn hekk, kien hemm 111-il każ (10.3 fil-mija) fl-attivitajiet tas-saħħa tal-bniedem u ħidma soċjali u 110 każijiet (10.3 fil-mija) fit-trasport u l-ħażna (Tabella nru 1). Kważi 30 fil-mija taʼ dawk involuti kienu neqsin mix-xogħol għal perjodu li jvarja bejn sebat ijiem u tlettax-il jum (Tabella nru 2).
Fil-perjodu taʼ riferenza, il-biċċa l-kbira tal-aċċidenti fuq il-postijiet tax-xogħol kienu jolqtu ħaddiema fʼimpjiegi elementari, bi 308 każijiet jew 28.7 fil-mija tagħhom. Warajhom, kien hemm il-ħaddiema tas-sengħa, bʼ226 każ jew 21.1 fil-mija tagħhom (Tabella nru 3). Fejn jidħlu l-etajiet, 26.6 fil-mija taʼ dawn l-aċċidenti kienu jolqtu persuni li kellhom bejn il-25 u l-34 sena (Tabella nru 4). Fiż-żmien mifli minn din l-istqarrija, kważi 70.0 fil-mija taʼ dawk milqutin mill-aċċidenti mhux fatali fuq il-postijiet tax-xogħol kienu Maltin (Tabella nru 5).
Aktar minn 30 fil-mija tal-korrimenti fuq ix-xogħol kienu jaffettwaw id-dahar, inkluż is-sinsla tad-dahar u l-għadam tagħha (Tabella nru 6). Il-ġrieħi u l-korrimenti superfiċjali (650 każ), u t-tfekkik (323 każ) kienu l-aktar tipi komuni taʼ korrimenti (Tabella nru 7).
Fit-tieni nofs tal-2025, 28.1 fil-mija tal-aċċidenti fuq ix-xogħol seħħew f’intrapriżi b’50-249 ħaddiem, filwaqt li 25.1 fil-mija ġraw fʼintrapriżi li jħaddmu mal-500 ħaddiem jew aktar (Tabella nru 9).
Matul l-2024, kienu rrappurtati 640 aċċident mhux fatali għal kull 100,000 persuna li taħdem. L-ogħla rata taʼ inċidenza standardizzata tʼaċċidenti mhux fatali kienet fil-qasam tal-kostruzzjoni, filwaqt li warajha kien hemm il-manifattura (Tabella nru 11).
Aċċidenti fatali
Bejn Lulju u Diċembru 2025, l-Awtorità dwar is-Saħħa u s-Sigurtà fuq il-Post tax-Xogħol (OHSA) irrappurtat ħamest imwiet fuq ix-xogħol (Tabelli nri 12-14). Fl-2025, ir-rata ta’ inċidenza tʼaċċidenti fatali fuq il-post tax-xogħol kienet ta’ 2.7 għal kull 100,000 persuna li taħdem (Tabella nru 15).
Tables
Tables
Non-fatal accidents at work
Fatal accidents at work
Methodological Notes
